X ray

久咳未癒，

由2月頭係香港感冒留下的咳，

到今時今日都仲未好翻，

之前已經食左3支咳水和2支枇杷膏，

完全無用，

所以係3月中去左睇醫生，

醫生話我個肺有唔知咩，

（係，唔知咩，完全唔明！）

之後佢俾左一星期抗生素我，

話食完後可能都要幾星期先好翻，

幾星期就咁又過去，

仲係咳，

結果上星期我又再去睇醫生，

醫生開左信俾我去照肺，

睇下點解我仲咳緊？！

4個月大了

時間過得真快，

阿仔已經4個月大了。

佢條頸開始硬了，

而且蠢蠢欲動想坐起來。

多謝陳生阿嫂同細佬老婆，

佢地俾左不少佢地已經用不到的小朋友物資我，

我同陳生又慳不少！

Tummy time !

坐起來！

話說我老爺個妹同我老爺講話，

Bb 4個月唔食糊仔，

到6個月就唔肯食，

所以佢講左好幾次叫我俾阿仔食糊仔，

雖然我見市面上有些糊仔真係4個月就食得， 

但health visitor同我講就話要6個月先食得。

我又問過阿嫂同細佬老婆，

佢地都成6個月先開始餵糊仔。

我家姐都成5個月先開始餵AA，

咁即係點呢？

有無人可以分享下？

剪草

Easter Sunday homebase全場有extra 15% off ，

即刻去買左個剪草機。

今日陳生安裝好後，

我即刻同佢剪綵。

係咪好有趣呢？

一條深一條淺，

大約剪左45分鐘就完成。

花園尚未完成，

因為仲要舖slabs，

最角落個2邊係俾我種野的，

呀，唔好誤會，

我唔係由種子開始種嫁！

買細細盆有花又平平地個種放上去嫁咋！

巧驚

係咁的，

早在3月初揾人係花園舖草皮，

今日係花園發現2個怪洞。

睇下3月初影的，

Zoom近一點。

一個月後， 

D草係我日日都淋水之下，

好綠。

但好奇怪今日發現多左2個洞，

尋日都不覺得有呀！

好驚呀，

唔係有老鼠吖？！

100天的小嬰兒

我可愛的兒子已經滿100天了，

我們沒有甚麼百日宴，

也沒有特別買蛋糕慶祝。

其實滿足開心又何需一定要慶祝呢？

反正媽媽爸爸沒有所謂，

只要你聽話，健康，快樂，

就甚麼都不重要。

我的心肝寶貝，

爸爸媽媽永遠愛你。

夜奶

小兒差不多3個月大了，

湊佢都不算辛苦，

相比起剛出生的頭一個月，

現在真的算係活在天堂，

不過如果可以快點介夜奶就更加好了，

晚晚凌晨4時多就會喊醒要奶，

之後就早上8點左右又會喊醒，

真係準時過鬧鐘。

好彩，陳生間唔時都會起身接手，

好懷念一覺瞓到自然醒嘅日子呀！

我的虛榮洗衣組合

左諗右諗，

終於買左洗衣機王miele 。

當然仲有我朝思夢想的乾衣機，

係呀，

真係諗左好內，

是否應該買miele 乾衣機！

點解？

因為好貴囉，

不過算吧，

自己用就買個自己喜歡的吧！

希望真係如傳聞中所説，

非常耐用！

返英~搬新家！

不經不覺，

已經返英一星期了。

呢一星期超忙，

因為我們已經搬新家了。

其實都已經搬了一個多月，

只是我還未來得及同舊居說再見。

新家當然又大又美，

不過還有好多功夫處理呢！

一邊忙著照顧一個2個多月的小子，

一邊忙著執好新家，

真的超忙。

早2天，

好彩已經執好3個加起來達4.5米的衣櫥。

比起舊居，衣櫥已經大了一半，

可惜仍然不夠放。

結果，還是的起心肝， 

將一些根本幾年沒著過的衣服，

送給慈善機構吧！

有入無出都不是辦法，

都係面對現實吧，

可苦自己欺騙自己有機會一定會穿的，

到真係有機會時又大條道理買新的，

哈哈，這就是女人了吧！

還收到慈善機構送給我的VIP card，

好大客仔呢！

今日收到燈飾，

過多2日應該會有人安裝吧。

呢到只係新居的一半燈飾，

2樓的還未選購呀！

後天又會收到乾衣機，

天啊，

還要多久先完全攪掂呢？

我家還未有食飯枱和書枱呀！

要買的還真是不少，

可惜錢不夠多呀！

終於坐完月了

早幾天終於坐完月了，

心情興奮，

事關好友於多倫多回港，

約好左坐完月個日食飯呀！

坐月可以食嘅嘢真係食到悶，

來來去去都係個3，4樣，

不過日子終於過去了，

田雞薑飯，梅菜豬肉，

下次再見。

好彩大約坐月25日開始，

陳媽媽就整白切雞俾我食，

仲有開始飲補酒!

補酒用大量藥材加三蒸酒浸製，

支補酒已經浸左2年幾嫁啦，

淡淡藥材香，

I like it! 

沖涼方面，

當然可以日日沖，

阿媽話一定要沖，

因為熱水夠熱，

行氣活血tim 呀！

不過呢，

我家就唔係用普通的薑皮沖涼，

而係用垃圾草，

垃圾草有驅風功效！

咁點沖呢！

首先一大煲水加入適量垃圾草，

水滾後放涼，

就可以沖嫁啦，

記住水温一定要比平時沖涼嘅水温高！

仲有就係不可用水喉水，

所以每日都唔知要煲幾多次水俾我洗手！

我媽坐月都幾講夠嫁！

可愛的小手指！

Happy one month to my dear son!

還是媽媽好

今天係坐月的第十九天，

換言之，

距離返英日子真的不遠了，

今次返港，

感受真的特別深！

未出發前，還不想返港，

原因可能我習慣了沒人理我的英國生活吧。

好怕，返港後太多節目，太累！

如今，差不多返來了4個月。

還有一個多月就要返英了，

開始覺得不捨得呢！

真的好感激媽媽呢幾個月的照顧，

4個月沒有洗衫，煮飯，拖地，執屋。

感覺多好，

從今以後，我也是別人的媽媽了。

好怕，媽媽會不習慣我兒子不在身邊呢！

陳媽媽，

我也很愛你的，

今次返港，

你對我的愛，

感受真的特別深，

多謝你對我的照顧，

接受我的缺點，

多謝你為我付出的一切，

還有為我的兒子半夜起床餵奶，

抱他不要半夜哭鬧，

我知道的，

你付出的真的很多很多，

從前不覺得媽媽特別的好，

反而會覺得媽媽囉嗦，麻煩，

但今次真的改變了我的想法，

感受係來自自己的，

你對我的愛，

我又點會感覺不到！

希望到我們要走的時候你不會太難過，

還有夏天英國見！

媽媽我愛妳！