禮物

早於2個幾月前，

收到遠從美國紐約寄來嘅禮物，

多謝嫁到美國的港人伍太太。

認識到你，

真係緣份，

難得大家都好啱傾，

你又明白我心，

期待10月遇你係香港見面！

Baby name

巧頭痛，

同陳生諗左好多日。

都無頭緒改咩名，

大家有無好意見呀？？

冰桶挑戰

本身好有意義的活動，

都被一班古怪的家長攪到變曬質，

可憐左下角的，

還是個得幾個月大的BB。

無言！

Baby shopping

上星期入了dr browns 用品！

有奶樽和蒸奶樽器！

英國生活好幸福呀，

因為生bb要買下的東西太多，

再同香港比較一下價錢，

發現英國買呢類物品實在平太多了。

的而且確，

香港養個小朋友好貴呢！

在早於一個月前，

入了這個非常堅固的changing table！

本身並沒有太大意欲去買changing table的，

因為覺得係如果要換片，

其實可以係床上換， 

置物的話，

可以買個更實用的4層櫃台！

但點解最後都買下呢？

因為真係超實淨，

價錢又好吸引，

66%off ，誰人能say no ？！

個日無心插柳入左next，

發現原來我來的哪天，

是最後清貨日，

到第二天，

如果想買都無了，

因為佢地第二天就要入新貨。

舊貨賣不出就會send 返總公司，

我左諗右諗，心大心細，

一於問下陳生啦，

陳生收到我來電後，

就約我一個小時候係個到等，

等佢睇下實物。

結論係，

唔好講咁多，

快d俾錢😁！

呢個changing table就立刻比我地搬返家了！

不過真係好重重重重呀！

煮食

不定時更新煮食誌，

我好少記錄下來，

不過見電話有幾張相，

不如就記錄下來吧！

炒米粉！

問左網友煮法，

不過大肚婆已經忘記了，

再煲多個豬骨粥！

某一日就炒左個黑椒雞意！

好好食，

呢次我醒，

特登影低左煮法，

下次唔洗再煩網友！

之後嘅某一天，

整左4隻雞翼，煎三文魚，蠔油菜！

呢個係前天整的。

已經有一年無整過酸甜排骨！

好吃！

洗衣機

是的，我同陳生今年達成目標。

年底不但會迎接bb來臨，

而且還會細樓搬小屋。

哈哈！

係呀，

我們現在住的apartment 已經住了大約3年半。

本來舊年已經有意購入新居，

可惜而家買屋真的不容易。

過5關斬六將，

今年終於可以達成心願！

喜上加喜的，

是我們期待的小生命終於來到！

新居應該還有2個月就可以攞所匙！

現在我已經成日上網睇下買咩新家電，家俬好。

最近煩惱的，

係買邊個品牌的洗衣機和乾衣機好呢？

老實說，

我睇中傳說中的Miele 廚王啦！

不過我真的心大心細，

因為新居要買的還有好多，

而且我將會到私家醫院生bb，

到時候又多一筆費用！

頭痛呀，

想買的有太多，可惜有嘅錢太少了！

仲有呀，除了價錢外，

還要了解洗衣機的性能，

好似energy rating 咁！

我最近係網上就揾到呢個，

乾衣機A rating 同 B rating ，

一年差一倍多些少的費用！

我有朋友話，

M 家的woolen setting 好出名，

而且她的德國人朋友都話m家的洗衣機係最出色的！一部機分分鐘可用十年以上！

仲有我發現m家有幾部洗衣機保用十年，

有些就5年，有些就2年！

當然十年售價都係最貴啦，

相比起2年保用個類，

真的差不多相差一倍價錢！

有無網友可以分享下買洗衣機的經驗呀？

Baby shopping

本身早幾日已經打好左一太半，

點知唔見左，

唯有今日由頭再寫一次！

早2天同陳生去睇地板，

為新屋做好準備呀！

呢塊就係我地睇好左考慮中的其中一款！

仔仔好似好鐘意咁！

睇完之後，就去左格離玩具反斗城！

左睇右睇，

睇中我之前上網做好資料，

好有興趣嘅car seat ! 

今日見到實物，

真係愛不惜手！

陳生玩得好高興呀，

佢覺得係car seat transformer！

只要你按一按個制！

就可以變變變，

變成pushchair！

係咪好勁呢？

詳情去片:

http://youtu.be/JQPf9nWzA0k

英國售價£299，

不包car seat base。

貴就貴少少，

不過一般市面係car seat 還car seat,

Pushchair還pushchair，

即係要買2部呀！

所以一般2部買曬都要成3到5百磅不等，

問題係通常d pushchair都好重，

到bb大到咁上下，

通常好多媽媽都會買架輕身d嘅車仔。

我見我家阿大伯同叔仔各人都有成3架bb車嫁，

有見及此，

我就選擇左呢部2合1，

到bb 大d就買多架輕身嘅，

2架點都化算過3架車啦！

反正car seat就一定要買嫁啦，

不如買架好d嫁啦！

既然我同陳生都咁滿意，

咁就一於帶佢返家啦！

買完都3點了，

拿拿林去食午餐，

因為我地仲未食嘢呀！

呢個頭盆，

Spicy tomato soup，

好辣，

辣到飲唔落，

可惜！

陳生嘅頭盆，又係呢隻蛋！

條魚好好食呀，

唔會炸到乾曬！

陳生主菜，

佢話好正喎！

快快趣食個lunch就返家了，

因為陳生要去返工呀！

Sunday Shopping

今日天氣時而下雨時而有太陽，

一早出發到老爺奶奶家吃午餐，

因為今日係太奶奶死忌，

要返家裝香！

午飯過後，

大嫂要同2個嘩鬼返教會，

大哥身痕，

約我老公同叔仔去睇戲！

睇戲我就唔啱了，

相反我就提議同奶奶去baby shopping! 

一去到商場已經下午3點15分，

還有2個小時左右關門，

唉！要是在香港你說有多好呢！

男嬰可選購嘅衣物真係好少呀。

不過我們收穫都不錯。

5點到了，陳氏三兄弟仲未睇完戲。

我同奶奶就去食下午茶等下啦，

反正從未同奶奶撐枱腳！

食完件餅，飲完杯茶，

同奶奶傾下講下。

時間啱啱好，

陳氏三兄弟睇完戲，

一起返家！

好可愛呀！

我懷孕了

嘻嘻，等今日等了好久！

早在2個月前，已經想記下呢件喜事！

是的我懷孕了。

點解等到今日先記錄下來？

因為懷孕變化實在太大，

雖然能懷上是十分高興，

但要過的關實在太多了，

萬一中途有咩樹，

唉！

我沒有勇氣面對朋友一連串的問題/關心。

不竟總有人係關心，亦有人是八卦的吧！

傷心，失望的是自己，

有誰能體會呢？

幸好今日已經去到第20週，

到了懷孕中期了，

還做了結構檢查！

Luckily 所有檢查都合格！

這張就是12週時檢查唐氏的照片！

同今日所見到的，我{兒子}真的大了好多呀！

是的，我懷的是一個小男生！

爺爺奶奶，公公婆婆一定好開心，

不竟他們都係上一代，古老思想！

不過我同陳生都好開心！

雖然我地一早諗好女仔名，

Isabella 希望媽媽下次有機會與你再聚！

見到bb 不停動，

真的好開心！

我scan 了2次，2次都流了小小眼淚呢！

我的預產期係平安夜，

餘下的還有5個月就可以同仔仔見面了！

我的寶貝，

你要乖乖哦，

媽媽會多吃有營養的，

你一定要平安健康，

唔好嚇媽媽呀！

期待12月與你相聚！

今天20週1天！