首爾之旅，吃吃吃 II

好了，update 埋係韓國仲食左d咩啦！

有一日我地去左新沙個頭行地下商場，

行之前入左一間高級shopping mall ，

個mall 叫咩名就忘記了。 

一去到就入food court睇下有咩好食。

麵包好香好吸引，

我地結果都買左一包。

仲有好靚嘅蛋糕。

睇完一輪，

去food court 醫肚，

叫左韓式大醬麵，

睇戲見人食得多，

但我覺得一般啫！

石頭飯

豆腐泡菜湯，

味道ok 啦，

不過要提提大家，

食完要自己執左d垃圾呀，

因為無人同你執枱嫁！

又有一日我地去左狎鷗亭行街，

個到好似百德新街！

行到累，

去左吃炸雞。

喝啤酒。XD

又試左Paris baguette，

買左2件返酒店吃，

但我地覺得好一般，

無食曬Tim ar。

臨走前一晚，

再行東大門。

去左食姜東虎。

個晚去到零晨1點，

唔洗排隊，正！

炭爐

烤肉好好食哦！

黃色係乜呢？

雞蛋是也！好滑嫁！

食韓燒，點小得飲燒酒。

臨去機場前吃的午餐，

係明洞的。

呢一味雞，我都整過，

我個人認為我整得好食d。XD 

還有，買俾姐夫的香蕉奶，

我飲左一支，

味道不錯！

買左2包，共8支帶比姐夫。

好喇！食左咁多日，

韓國食飯真係好平，

最貴食韓燒4個人大約都係食左800蚊，

但飽到上心口，

即係一個都係2舊水。

4日3夜，我地每人夾左900蚊。

已經包曬食足咁多餐，

搭地鐵，的士，仲有來回車去機場。

咁你話抵唔抵？

韓國之旅，買買買

今次韓國之旅收穫好豐富呀！

呢幅圖只係第一日嘅戰績，

全部影曬出來我怕嚇親大家，

不過唔好以為我用左好多錢，

因為韓國無論食定買都一定平過香港呀！

好似圖中右下角藍色個件衫咁，

我有一日同家姐係銅鑼灣東角商場見到要成890港幣，

但我係韓國買都只係362蚊港幣囉！

買masks 就一定平啦，

有一日我地去左樂天入面duty free 到買，

場面超級混亂，勁多人囉！

呢張相影得好差，

但為左俾大家睇下有幾多人，

所以我都post 上來，

情況有d似行年宵市場。

Anyway, 平係平過市面買到的，

但你一定要買好多先有折扣。

例如買20塊送10塊，買30塊送20塊咁。

咁因為我地一行4人，所以可以買到咁多再大家分。

如果你諗住買10塊8塊，

咁可能呢到就未必啱你了。

所以呢，我地都有去外面街舖到買的。

好似呢個duty free一定要買6罐，

但因我無試過好無用，

而且朋友又無興趣試，

咁當然就要係外面買啦！

點解買呢？

其實都係見到好多blogger介紹平靚正囉！

32蚊港幣一罐抵試吖！

我又買左呢個落妝，

都係43蚊港幣咋！

好唔好用我未知，

不過就算落妝唔夠乾淨，

落防曬都好吖，

不過今次呢個旅行我都唔見左一罐全新新買的落妝gel，

個罐就係blogger介紹的，

都成160港幣嫁，

肉痛死我了。

好，介紹下呢枝棉花棒啦， 

係落眼妝用的， 

棉花棒入面已經有落妝液，

等你唔洗死率難率對眼，

我覺得好新奇。

價錢相對都貴，

29港幣一盒20枝，

不過買俾家姐就無所謂啦！

4日旅遊買左6件冷衫，

其中得2件係3百幾港幣， 

其他都係百幾有交易。

買左2件褸，

呢2件就貴少少，要6百頭，

褸喎，我覺得6字頭都ok 吖，

另外仲有一件大冷外套，

都係百幾港幣咋。

Masks 就有平有貴啦，

平就5蚊一塊，

而家好流行蝸牛面膜就貴d,

成28蚊一塊，

不過都係買10塊，

所以2百幾ok 啦！

希望一分錢一分貨！

買曬d masks 返英國就有排用，

你知啦，而家唔買，

返英後就買不到了。

首爾之旅，吃吃吃

哈哈，我而家身處韓國首爾呀！

同我幾個好朋友又來一年一度女子旅行，

我真係非常感激認識到呢幾個朋友，

數數手指，識左8年了，

而且我年年返港都會同我去旅行的，

真係愛死你們呀！

今年我地決定去韓國。

首爾其實都不是第一次來了，

老實講去首爾機票酒店唔平，

但實在太好買了。

返港後再同大家分享下我買左d咩啦！

今日係第二日係首爾，後天就回港了。

暫時分享下呢2天食過d咩先，

費事忘記呀！

尋日落機到酒店已經晚上8時，

我地check in左，

就即刻去左東大門，

我地打算食完飯後係呢到行街，

因為東大門星期6好多店都唔開門呀！

個晚太餓了，

本身打算食韓燒，

但好多人排隊，

所以求其入左呢間食餃子，

老實說一般咋，

好似4個人食左27000won。

今日大家成11點先出發去明洞，

因為尋日行到晚上2點，

傾下講下5點先瞓，

所以今日早餐加午餐一起吃，

部隊鍋，超級好食，

仲平過尋晚的餃子。

無記錯好似23000won。

十個讚。正正正。

晚上去了梨泰園吃韓式傳統料理，

店舖裝飾好特別，

真係好傳統。

有時去下呢d特別d嘅地方食都不錯！

味道ok wor，

而且好抵食4個人700港幣。

呢一鍋係韓國米酒。

呢個係set來的，

中間最大3盆，

係另外加的。

當然食唔曬，

下次都係要忍下，

費事浪費！

好吧，後天回港後再分享吧！

晚安！

美食

回港第三天，即約了美女朋友吃飯。

因為去年回港時沒有見她，

所以今年仍在英時已經約好她。

我們去了ritz caltron 吃自助餐，

食物選擇不太多，但味道不錯。

我記得我吃了瀨尿蝦，

非常美味！

我沒有不停影相，

因為費事失禮人。

昨天晚上約了幾個好友去了吃雞煲，

雞煲真係超級好味呀！

我年年返來都要食，

希望今年走之前可以食多一次啦！

17/10 日，約了一位好友去了吃水煮魚，

套餐包麵或飯，

我點了第一次吃的傷心酸辣粉。

口感好得意，滑滑的！

會有下次。

唉呀，回港踏入第三個星期。

下星期我又去韓國幾天，

唉，還有好多朋友未見呀，

而且又有朋友想約我去旅行，

睇黎下次要返來8個星期了。

我其實都心思思想改機票呀， 

不過要同陳生講講先得，

米飯班主呀麻！

厠紙

哈哈，今日睇東張西望講到消委會驗厠紙。

發現有好多厠紙不合格呀！

電視節目就訪問市民平時用咩紙巾，

又係一間餐廳放上一卷厠紙(厠所用個種），

睇下有幾多人會用。

好攪笑，有一位食客講中我多年心聲，

厠紙厠紙，係响厠所用的。

因為初來英時住係朋友家，

好多時放係客廳就係一卷卷厠紙。

個陣住係人地到就無出聲，

但個心都覺得好不雅，

乜今時今日仲有人用呢d厠紙抹咀？！

個心覺得抹pat pat用呢d，

抹咀又係呢d。

當然住係人地度就唔好咁多嗲啦！

唔係淨係我講，

消委會都叫我地唔好用厠紙抹咀呀！

如果識得善用紙巾，（即係無理由抹咀用3張咁）。其實盒紙巾都唔係好貴啫。

Thailand trip

每次返港都會去旅遊，

剛剛同家人去了曼谷，

出發前幾日，有點感冒。

怕無精神遊玩，所以去了睇醫生，

食左藥2天，雖然沒有鼻水了。

但喉嚨仍然不太舒適。

曼谷我估大家都去過N次了，

所以都不作詳細介紹了。

曼谷真係百去不厭，

幾千蚊港幣，

就可以坐商務加住5星級酒店，

我都係第一次坐飛機上層咋！

歐洲no way la!

今次入住 st.regis hotel ,

住2 bedroom suite竟然平過住2間雙人房！

當然選擇suite啦！

非常滿意，非常舒適！

房間有Miele x nespresso coffee machine，

每日酒店會送上熱奶，

飲幾多杯自己話事，

費用全免。正！

仲可以係房慢慢嘆下午茶，

唯一唔好，就係呢間酒店泳池好細。

如果有6個人係泳池，你就唔好落水了。

酒店早餐，選擇不算好多。

不過質量不錯！

食左3晚泰國菜，

無所謂，因為英國沒可能食到！

唯一要講講係呢間mango tree，

D相影得唔好，

因為餐廳比較暗，

Anyway 唔知點解咁出名。

因為都唔好食嘅，

香港mango tree都試過，

我認為香港個間又貴，食物好麻麻囉，

又聽過人講，

泰國個間好d，

但都一般囉。

叫左3個salad都唔好食，

不過泰國個間就真係好平。

應該不會有下次了。

本來有一日一早book左去做spa，

http://www.divanaspa.com

點知遇著泰國印度佛教節。

封左幾條街，

結果係的士塞左2個鐘，

完全miss 左個booking。

好彩泰國的士超平，

坐左2個鐘，先200泰幣。

算吧，沒辦法，天意。

結果求期係街揾一間按腳，

好過無。