Unlock I phone

早幾日叫陳生打去3，

因為要同我unlock 個電話，

咁到我返香港時就可以用翻我個smartone 電話卡，

Three unlock 服務要£15，

無計都要比啦！

因為我仲有keep以前香港個號碼呀。

主要係方便唔好同香港朋友失去聯繫。

係呀，就算我係英國，

我個個月都俾錢smartone 賺嫁，

一個月港幣80蚊，

幾多分鐘就忘記了，

但一定夠用，

最重要係有無限上網，

你知啦，今時今日電話無得上網真係好橙嫁！

今日收到呢個信息就換張卡試下啦，

點知而家先發現I phone5 張卡仲要再細d。

唉，返港時又要去多轉smartone換過張卡了。

IKEA

上回講到主人房要裝修，

尋日下午就同陳生去左ikea買小小野，

準備來個大執位。

行到4點，要食lunch 了，

其實我都係第一次食ikea meatball，

味道原來不錯喎，

本來想買一包返家，

諗諗下都係唔好了，

因為我家正舉行清雪櫃行動，

話時話上星期四開始米都無了，

之後煮飯都係食麵類，

意大利粉，烏冬，河粉等等。

當然我嘅計劃一定可以達標。

返到家差不多到7點，

我地無停手，拿拿林就開工了，

執到10點，完成上半場，

執到一大袋不要嘅衣服。

明天送去回收箱。

做女人千萬唔好自己呃自己，

由期係屋企細。

呢堆衫起碼有4季無著了。

年年有入無出，

多多位都唔夠用。

好吧！

下半場代明天完成。

仔仔要幫爸爸手。

拆衣櫃

好，今次同大家介紹我家不實用衣櫃。

衣櫃總長度就係紅色標誌，

我相信大家都見到對門只佔衣櫃的三分二左右。

換言之最入面個部分係無門開的，

而家最入面擺放緊一d平時機本上不會用的，

今次來個大翻身，

衣櫥入面的，不用的要掉了，

一係放係車房啦。

陳生的衣服就會放到另一地方。

期待房間變大樣子！

忙

又到未出發先興奮嘅時候，

早幾日我已經開始執行李了，

今次返去要攞3個喼，

一大一中一小，

呢2個喼已經8成滿了。

要買的應該買曬，

過多幾日再執下d私人物品，

應該攪掂。

尋日臨時決定係我返港呢段時間，

我家主人房來個小型裝修。

決定拆走不實用的build in 衣櫃，

仲有起左張地毯，換木板。

以後房就會更大，而且清潔應該更方便。

明天會去ikea買些小東西，

之後我就要係走之前清走主人房衣櫃入面嘅衣服。

下一篇就同大家講下我家build in 衣櫃有多不實用。

ISO 7

ISO 7 出左喇！

你地update 左未呢？

新功能入面，最最吸引我係有360 panorama。

咁就唔洗特別download 其他代替。

對我黎講最唔好係個月曆，

以前一入頁面就見到d 提示，

而家無左lu,

再按入去都仲未見到個日全日嘅日程表。

不過總括黎講都不錯嘅！

晚飯

今日無煮飯呀！

中午已經整左米粉食，

晚上個腦塞左，

簡單快捷就係叫外賣。

司機大佬送來一袋食物，

仲有免費送上2杯甜到痺嘅珍珠奶茶。

(飲完應該會有糖尿病囉！)

唔好意為我地2公婆咁大食，

呢到係兩餐來的。

今晚自己煲左白飯，

有口水雞同酸菜魚，

個酸菜魚好好食呀，

酸酸辣辣，好好餸飯。

唔知呢個餸有無人識煮呢？

唔洗下下食蒸或煎魚呀嘛！

有人今晚做兔仔迎月呀！

面膜

之前返港時買落一大堆面膜。

今年訂好機票後，

即刻執執櫃，睇下仲有幾多存貨。

發現仲有大約30塊面膜仲未用完。

當中已經有大約10塊啱啱好過左期。

oh，都係自己懶惰的後果，

掉左去又好浪費，

好彩我一向都無敏感問題，

好吧！限自己臨走前要用曬過左期個d先得。

3日唔埋2日就用一塊，

啱啱數數過期的只有餘下4塊。（圖中最下面的4塊）

勁呀，走前用埋個4塊無問題。

仲有大約10塊(圖中中間個堆)都會在呢2個月過期了。

ok，帶埋呢10塊返港用埋去。

咁我就可以係香港買一堆新的。

今次返港會去韓國，

聽聞蝸牛面膜近期好hit呀，

一定要買d來試試。

之前有朋友比左一塊H2o面膜我用，

效果當然好過呢一堆我的美麗日記啦。

幾十蚊塊點同呢d幾蚊貨式比較。

H2o幾錢我未知，

不過希望唔會太貴，

可以等我買一盒返來發姣時用，哈哈！

見到黑色面膜嗎？

係上年去台灣時買的，

用左一塊咁大吧咋。

禮物

今日去了老爺奶奶家食飯。

他們知我差不多要回港，

所以準備好禮物要送我的家人。

本來係有4盒朱古力的，

但我攞不到咁多了。

因為我要買奶粉返港俾我家2位bb呀！

真係好客氣。

送來送去，

到我要返英嘅時候，

又要傷腦筋買咩俾他們好。

不過無所謂啦，

一年一次，大家開心就好。

另外就係今日去奶奶家前去了pets at home 。

因為仔仔去左恤髮，

順便買洗頭水比仔仔，

用就用過好多種洗頭水，

但又無一種我覺得超好，

是是但但，但一支都不平嫁，要成4磅99。

買完便過格離tk maxx，

俾陳生發現tk價一支2磅99。

差成2磅，

立刻買多2支放係奶奶家，

因為仔仔有時會係嫲嫲家沖涼。

下次都係先去tk八下先，

反正仔仔粗生粗養。

清雪櫃

仲有幾個星期就返香港，

年年係呢個時候，

就要實行清清雪櫃大行動。

因為陳生係唔會煮的，

頂多都係整公仔麵，煎隻蛋。

佢好勁嫁，

仲有一個backup ,

就係日日返我奶奶到食飯。

呢個星期開始清雪櫃，

早兩日已經食左2隻小雞，仲有一盒4塊豬扒。

唔睇唔覺，原來我有4小盒雞上脾咁多。

魚就得翻一條，好似唔多夠魚食tim。

哎呀，我仲要減翻幾磅，費事返到香港d朋友認唔到我呀。

海天堂

哎呀！嚇死人呀！

我次次返香港都起碼買10個龜苓膏返英國俾陳生慢慢食，

因為陳生係煙民，難得佢不覺得苦，又肯食，

所以次次都買俾佢清下熱毒啦！

今次攪到咁大單，哎呀，返香港個陣去試下大家姐先得。

好彩陳生唔知咩係海天堂，

我都唔敢同佢講，費事佢以後d清熱解毒嘅野全部唔食吖。

有個小朋友等開飯！

攪唔掂

即係咁，話說比google＋玩死。

我放棄了，完全攪唔掂。

其實多得KA教導，

我己經delete左google+功能，

但唔知點解comment欄都係要用google+先留到言。

所以我放棄了。

我直頭delete左舊account,

決定從新開始。

今次死都不會要按google+個製。

費時我又再中毒。

各位blog友唔好意思，

可能你又又又會見到我add你。

月餅

一年一度中秋又來了。多謝我的好友特別由香港帶來嘉麟月餅，真的很好食！

我和我的好友。