蛋白鮮奶

返左黎都有十日了，

返到家有媽媽照顧真好，

每朝一碗蛋白鮮奶，

仲買多個包包俾我tim。

除左蛋白鮮奶仲有咩呢？

一日三餐就一定嫁啦，

真好唔洗諗煮乜，

仲有蕃茄薯仔煲豬骨，

阿媽話飲左bb骨頭硬d喎！

當然又唔小得魚湯啦，

果然有媽的孩子像個寶！

我跣到了

唉，今日超級不小心，

我跣到了！

懷孕差不多28週，

好擔心呀！

因為今日趕住出門，

點知阿媽又啱啱拖完地。

我就係咁不小心滑到了！

都唔算跌得好勁，

不過都成個人坐左係地下。

之後立刻打電話俾醫生問下意見，

好彩我無肚痛，流血，

所以醫生叫我留意下胎動情況，

如果胎動減少就一定要去急証室！

如果同平時一樣就無需擔心喎！

阿仔你要加油努力，

唔好嚇親阿媽呀！

打邊爐

尋晚出去同3位朋友打邊爐！

其實都諗左陣打唔打好，

因為好多人都話打邊爐燥，

怕bb皮膚唔靚喎！

不過打一次半次唔怕掛？！

今次近近地去左杏花邨稻香！

地方夠大又唔洗等位，正！

4個人無叫太多食物，

費事食唔曬浪費！

味道不錯呀，

食物都好新鮮！

而且每人加十蚊就可以任飲飲品、食糖水同雪糕！

最重要係可以慢慢食慢慢傾餐包，

唔洗趕住還枱！

是關好多餐廳都係規定左2個小時後要還枱！

咁內無見，

未傾夠都唔知點攪！

港式包包

港式包包真係好好食呀！

由其係平時係英國無咁容易食到！

我其實都有自己自學整包包，

不過我資質有限，

我都係覺得街買個d好食d。

返來呢幾日近乎日日都有食包包，

除非陪老豆飲早茶啦！

我好想係香港學整包包，

反正都無事幹， 

可惜工聯會秋季成11月先開學，

11月太遲了，

到時候9個月肚，

應該好辛苦啦！

呢d包包一d都唔平了，

5個半一個呀！

下午茶

23/9/2014

早2天約左家姐食下午茶，

去之前先去St.paul Hosiptal 落訂金先！

會合家姐後，

係銅鑼灣行左一陣，

跟住就去左Agnes b 到食件餅！

呢個雲利嗱雪芳蛋糕好好食，

又不甜，凍凍地，

啱曬香港熱死辣辣的夏天，

有下次！

呢杯蘋果士多啤梨桃汁都好好飲，

好過成日飲咖啡啦！

25/9/2014

今朝同阿媽去百佳，

經過間食店門口，

有隻好乖的狗狗係到等主人開餐。

不過佢一定好熱！

拿拿拿，

我第一次見叮叮飯，

唔好笑我大鄉里，

有食過又覺得好食的請話我知！

修腳

懷孕27週，

開始剪唔到腳趾了。

要剪都剪到嘅，

不過就有啲辛苦！

所以係星期一晚，

食完晚飯，

就落屋企樓下的修甲店，

本來我想做gel 腳嫁，

問左店員，

佢話有隻物料無色無味適合孕婦使用喎！

我本身好想整嫁，

返到香港出去見朋友想要執翻好個人啦，

如果唔係失禮死人。

點知家姐whatsapp我，

我就問下佢啦，

因為佢自己都有做開甲，

但佢就叫我唔好攪咁多，

因為佢話你都唔知啲貨係邊到入，

萬一係國內就@@@@@@

一盆冷水淋落黎，

好啦我投降！

其實我係英國見mid wife 問過嫁，

佢地話搽甲油都無問題，

所以其實我係英國個陣都有搽的，

只係而家自己太懶咋麻！

入又入左間舖， 

問長問短，

唔幫襯又唔好意思！

腳甲都要剪嫁，

唔做gel就普通修腳囉！

首次試做188好似都ok，

腳就一向都貴啲嘅！

師父手勢都唔錯，

磨左我好多腳皮出來，

香港去呢d shop有咩後果？！

就係俾人sell 買package囉！

如果唔join之後去做就2百幾喎！

唉，算啦見都做得幾好，

而且我之後都有需要，

買5次先啦！

咁又擺底940。

睇下整齊幾多！

返港第四天

是日星期日，

由於時差關係，

一早6點幾就醒了。

等到11點多就出發去飲茶，

唉，係英國真係食大左個胃，

今餐茶，

成家我食最多，

仲要俾我媽串左我2日大食！

阿媽好怕我變豬呀！

通常d人叫大肚婆食多d，

佢唔係囉，

佢不停話服左我，

睇來我真係要檢討下，

食小d都好嘅，

反正阿仔大左一日咁多。

其實我想話呢，

我成個孕期，到目前為止，

都無嘔，又無成日肚餓， 

所有感覺，同平時一樣，

所以食量都同平時一樣囉！

不過老實說，

個餐我又真係食最多嘅！

節制下都好，

免得下個月影大肚相個時已經變成豬！

做女人真係難呀！

6大1細，

埋單800大元，

唔貴唔平啦！

最重要一家在一起，

大家happy。

一年無見，

我家大豬大左好多呀！

行路仲要插褲袋。

2歲人仔，

嘴gel gel，

深得阿姨歡心呢！

香港產檢

上星期五，

到港第二天，

早上第一個booking，

就係我，

搭左十幾小時飛機，

擔心阿仔呀！

第一個appointment 都唔同d，

唔洗等，

因為我聽聞香港睇婦產科醫生，

等一個小時都係好普通的。

我都準備充足，

攞定英國產檢report 返來香港！

阿仔好健康，

醫生仲話阿仔大了一日咁多，

果然好食好住！

而我都放下心頭大石，

好彩十幾小時飛機無影響阿仔！

加上book埋醫院，

好彩6個半月肚都仲book 到床位，

早幾年真係多得班雙非囉，

攪到個個香港孕婦要爭床位，

有錢都未必book 到心水醫院呀！

好彩而家無左雙非咋！

埋單多謝2200，

突然好掛住英國產檢，

因為係免費！

26W

返港後好奇怪，

我雙腳腫了！

我講的不是因為坐飛機氣壓導致腳腫，

因為就算係因為坐飛機，

理應1到2日就消腫吧！

可惜我對腳已經腫了4天，

最蠢的是我由英國帶回香港的其中一對鞋已經變得好緊了！

點解我會話好奇怪呢？

係因為我係英國的時候，

並沒有腳腫問題呀！

一返到港就有了，

好怕下個月影大肚相時腫到似豬！

Goodbye uk

尋日返左香港待產，

同陳生分開3個半月，

從來無想到，

我會如此唔捨得，

我還係閘口前流淚呢！

下次再見到陳生，

應該bb差不多要出世了，

我會乖乖好好安胎的。

希望呢幾個月不要太難捱吧！

入閘後見到呢個bb changing bag，

要成80磅，

心大心細諗左好內，

到最後都無買到！

之後去左lounge 睇下有乜好食！

要左碗唔好食的雲呑麵！

Cx lounge食物選擇相對少！

差不多12小時飛機，

當然我一如以往，

都係瞓不到。

平時瞓大多了，

個人唔夠累，

好彩都睇左套想睇左好內，

但最終都無睇到的magnificent ！

Afternoon tea

尋日挺住25週的肚子，

去同朋友下午茶！

坐落於我市小街的tea room。

我從來都唔知有呢個東東的呢！

下午茶大約16磅一個人，

好不錯呢！

不過對於我呢個瞓到日上三竿的人來說，

一早起身就食甜點，

好像不太好呢！

現在還有live music，

So romantics 呢！

食飽後到JL到行下，

見到呢架用jelly bean製成的車。

嘩！

失眠

懷孕進入第25週，

竟然大失眠，

尋晚眼光光，

到今朝早7點決定起床掃地、拖地。

攪完一輪，

8時再上床終於有意入睡，

可惜我11點左右要起床，

因為12點有人來睇屋呀！

起床過後，

決定今天盡量不睡午覺，

免得晚上又睡不著。

剛好今天星期三，

我市各大商店8店關門，

平時6點就關嫁喇。

所以我打算6點左右出門，

先去買狗糧俾陳仔，

然後周圍逛逛，

再去晚飯，

之後就回家，

盡力不睡午覺，

希望今晚可早睡，

明天早起，

下星期26週回港夜機希望有覺好瞓啦！

因為通常我係回港個程飛機都睡不著覺呢！

走進tk 發現bb 生長日記本，

好精美呢！

好吧，就把呢個生b經歷寫下來吧！

仲俾我發現星星毛巾被子只要9.99磅，

可惜早2星期前我在JL已經入貨，

而且還要16磅呢！

雖然2條始終不一樣，

但仍然覺得好似蠢左咁。

返到家即刻攞JL張被子出來，

找來找去，

可惜都係揾唔到張收據。

唉呀！

揾到的話我會去退錢，

再去tk 買過張呢！

可惜可惜！

返家前去了吃燒鴨雞湯河！