Happy 1st birthday

15/12/2015

我最愛的兒子1歲生日呀！

時間真係過得好快，

媽媽會好掛念你bb個陣嫁，

時間可唔可以唔好過得太快呢？！

回想當年等了差不多3年先懷孕，

轉眼之間小兒已經1歲了，

呢幾年發生的事，變化真係好大呢。

生日當天去了winter wonderland，

非常失望，

其實同我市的fun fair差不多，

而且天氣其差，

佢最開心的，

就係玩這個soft play，

陳小朋友年紀太小，

不懂欣賞機動遊戲，

因為不停下大雨，

所以停留不到1小時就走了。

生日第二天，

經朋友介紹揾到一家我覺得好平的影樓，

90分鐘£90，包8張相另加cd連所有相。

在英國，我覺得真係平到爛。

大約係小兒6個月大左右，

在groupon買了好像£30包一張相的，

時間有點遠，也不太記得是否£30 or £20，

反正最後花了£300，

但得8張相。

所以今次這個真的好平呀！

最後，祝陳小朋友做個開心快活人，健康成長，聽教聽話！爸爸媽媽永遠愛你！

累死老媽之Paris 之旅

原來已經有一個月沒更新網誌，

上星期我同陳小朋友2人行去了巴黎探姨媽媽。

都唔係完全唔順利嘅，

不過就好大壓力，

始終一個人同一個差不多一歲的小朋友，

呢位小朋友呢個歲數，

開始百厭，

坐唔定，

我一早聽朋友意見，

未出發前已經買左一盒全新嘅玩具俾佢，

等佢有野玩，可以乖d啦。

但係應該都係3分鐘熱度。

結果差不多落車前20分鐘先瞓著，

天啊，累死我了。

一到巴黎，就見姨媽來接我地。

而我一到巴黎就開始擔心過2天點返英？！

好大壓力呀，

Traveling with kids on your own is so stressful!! 

下個月我仲要自己一個同佢返香港。

Omg，好擔心呀！

唯一自我安慰就係食呢一盆海鮮拼盆。

非常好吃！

回到英國時係火車站見到迪士尼聖誕樹呢！

10個半月大

原來已經有一個多月無update.

其實生活都係咁上下，

無乜太大分別！

唯一不同的，

就係我家陳小朋友已經十個半月大。

小朋友又學識到不同嘅野，

睇見隻豬仔成長，

每日都有點不同，

真係希望佢唔好大得咁快，

媽媽會好掛念你小baby的樣呢！！

四處爬已經係指定動作。

近排愛看書，

希望你慢慢大都真係愛閱讀啦。

同陳仔仔相處得不錯，

陳仔仔大個仔了，

好似都改了不少壞習慣，

唯獨一定要跟陳生瞓覺。

十個月大時開始愛係廚房攪攪震，

我家係開放式廚房呀，

所以佢每天一定會去幾次。

特別係我要煮飯個陣，

必定來（陪）我。

而且開始進入媽媽行開一陣必喊的階段，

又唔係必嘅，

十次有7次左右啦！

Copenhagen trip

忽然來個哥本哈根四日3夜之旅，

話說好友星期六whatsapp 我近況，

話佢個環遊世界之旅幾日後會去丹麥，

我當然即跟隨。

當晚待陳生返家，

商量過同諗清楚一天後，

決定放下陳仔仔，

獨自上路去。

星期二中午即飛往哥本哈根。

出發前好友叫我睇下住宿，

5星酒店又要住中心，

當然無budget，

結果第一次租住別人家。

屋主夫婦不住在哥本哈根的，

呢個地方只係佢地來睇孫的時候小住數天。

所以佢地不在的時候，

就會放佢地apartment 上網，

睇下有無人有興趣。

我覺得好正呀，

大力推薦！

睡房忘記影相，

但你睇見呢2張相，

應該都會感覺到睡房都不差的。

呢個就係距離住宅5分鐘的大型超市。

其實4日3夜都無乜去邊，

第一天到住處都已經6點，

一到住處後即去揾食，

出門時都無雨的，點知，

結果我地係大雨，

係大雨之下行左20分鐘，

先至揾到食。

第二天我好友發燒，

不過都出左去坐遊覽船。

再去食午餐，

當晚見到有生蠔買，又平，

大約10磅10隻啦！

即買外賣。

10隻，病人吃了一隻，

其他都在我的胃裡。

甜品，無買。

病人因沒胃口，

所以買左包韓國餃子返家煮。

第三天，

病人病情沒有好轉，

差不多12點先出門口。

去中心周圍行下，

食左個chicken club，

友人真係好不適，

所以4點已經返到家了，

6點左右再去家附近的超市買點吃的，

問好友想不想吃粥，

佢話好，

就買包米，下點豬肉啦！

食過晚餐就各自休息啦，

呢4日3夜雖然只去了市中心，

甚麼museum 都無去，

不過都好舒服呀，

第一自從陳仔仔出生後，

呢9個月，

第一次瞓到自然醒，

不用一晚醒起碼2次。

第二由於好友不適，

我地好早返住處，

佢就早點瞓，

我就狂睇電視，

係呀，住處有無限上網，

我一連睇左3集收規華呢！

嗱，如果住酒店就未必有免費上網呢！

好內都無試過咁爽的生活。

雖然無乜去過邊到遊覽，

但我都好高興呀！

陳仔仔呢，我地日日都有FaceTime 嫁！

9個月

小兒差幾日就9個月大了，

肥豬仔每日都進步一點點，

有沒有辦法可以把時間留下來呢？

尋晚明明好眼瞓，

抱左佢上床瞓覺個陣，

佢又自己坐翻係到，

而家次次瞓親覺都係咁， 

一定要坐一輪先瞓，

瞓醒又自己坐翻向到。

今日天氣好呀，

同佢去公園玩，

放佢係地下爬，

爬爬下去左自己架車企向到，

可能佢好快就可以行了。

哥哥返家了。

係呀，每次我返親香港， 

陳生都會帶陳仔去我老爺奶奶家渡假，

今次一渡就渡左差不多一年了，

小兒又已經大了， 

我家而家又有花園，

真係諗不到理由點解仲唔接佢返家呢！

好了終於一家4口團聚了！

天氣

特別覺得今年夏天天氣好的日子特別短。

可能係多左個花園關係，

天氣好，

就可以係花園坐坐，

喝一杯茶，

又或者係燒烤。

呢種生活，

係香港點會有？

希望夏天完結前可以邀請朋友來我家bbq吧！

8個月大

之前聽說

7坐，8爬，9發牙。

好似幾準呀，

陳仔仔7個月識坐，

啱啱8個月就學識爬，

我就睇下，下個月係咪真係出牙先。

再來bbq

繼早幾天自己一個人燒烤後，

心痕呀！

尋日星期日請了2個朋友來家一起吃，

始終人多都係開心d 。

請朋友來都係要買個正經的烤爐啦，

Argo £29.99 size 都好大呀，

就算多幾個朋友都無問題，

平靚正！

朋友一來到，

拿拿林去「透」爐，

因為我無買炭精呀，

結果花左大半個鐘都起不到爐，

天啊，

結果聰明的我，

去左屋企附近的小店，

買左個早幾日我用過，

超好用的instant bbq爐。

哈，我一用報紙點火燒炭， 

就攪掂，

等d炭燒多一陣，

就可以燒啦，

你話幾好用呢。

曬左我地大半個鐘囉！

下次燒我一定會再買個instant 爐囉。

因乜解夠佢地咁易點(著)d炭呢？

食物好簡單咋，

我只買了tesco bbq pack，

Any 3 for £10，

味道好好喎，

下次燒都可以唔洗自己醃食物啦，

又平又方便。

不過下次要預備多點蔬菜就真！

朋友帶來的水果酒，

大廚出馬。

咁就過左個美好的星期天！

Bbq

多謝鬼佬嘅發明，

另到我自己一條友都可以bbq，

找住夏天的尾巴。

呢種instant bbq 爐真係好好用，

自己一個人，

食唔到咁多， 

所以得雞腿同一包菜咋，

結果一個人食左4隻雞腿，

燒多4隻俾陳生放工返來食。

有下次！

7個月了。

陳仔仔今日7個月大了。

而家識自己坐，

不停轉身！

粥仔食得越來越好呢！

暫時好喜歡食雞肉！

希望佢快點可以識啜飲管！

Party time

尋日即興攪party，

請左朋友來grill 同打邊爐！

真係好正，

可惜，

食左一小時左右，

有一堆唔知咩飛飛來到！

就係呢點黑色飛飛，

越來越多， 

多到嚇死人，

我地即刻搬返入屋打邊爐。

咁係咪代表我地成個夏天都不用bbq呢？

幸運星期二

陳生兄弟挖花園時不小心挖多左，

攪到地下d草無左一忽。

呢，就係中間有石頭個到囉！

今日出去garden centre，

打算買翻一幅草，

填翻個忽。

點知，，，，，

無得買，

問過店員，

原來已經不是季節了，

太熱d草會好快死，

放唔到幾多日，

所以佢地無入貨。

Oh my god，

之後再行多3間都無呀，

點算好，

唉，唯有買lawn seed自己種啦，

唔通有得佢多個洞咩！

之後呢，

陳仔仔傍晚喊，

咁好啦，

抱佢出門口行下。

點知俾我見到，

對面個skip有一堆草，

事關交早前，

陳生見到個鄰居今日舖草，

個堆被人當垃圾掉的，

應該就係鄰居多出來的草頭草尾，

啱曬我呀，

個個洞其實不是好大，

所以我地根本不需要大多草，

結果俾我攞曬返家，

慢慢補翻好個d洞。

Looking all good，

等時間內d，

新草舊草就會合併嫁啦，我估！