保安系統

繼上次話大怕屋企俾人打劫，

上星期五叔仔格離又一單，

仲要都好近我，

屋主話事發應該係早上3點到7點，

聖誕禮物無曬，

佢地忘記鎖patio door，

結果賊人有機可乘，

最大獲佢地有隻狗，

隻狗竟然聽唔到囉，

好彩我大仔夠惡又機警姐。

我當然怕怕，

真無諗過瞓覺中都有人入屋偷野，

點安心瞓呀！

結果拿拿臨即買2個dummy ，

想呢2日裝左佢，

不過我老公懶到死囉！

完全唔明佢諗乜，

唔通想俾人打左劫先裝？！

I'm 2

小兒今日2歲生日，

我地簡單渡過，

中午去市中心午餐，

再去玩具反斗城，

之後再去soft play ，

4點鐘去西超就返家了。

祝陳小朋友生日快樂，聽教聽話，

媽媽永遠愛你！

揾笨

星期四好友來英， 

我地全家特登出倫敦見佢，

佢係我仔仔的契媽黎嫁。

先去食日式燒烤，

味道不錯，

而且非常抵食。

埋單時嚇我一跳，4大1細收我150磅，

錯錯錯，

同佢講翻張單5啱，

結果100元正。

所以而家出街食飯一定要睇單，

5係俾人揾笨，

已經5係第一次嫁啦，

之前有次明明話小童餐加1磅有雪糕，

結果收我4磅半，

乜料呀。

食飽飽去winter wonderland side 錢。

保險箱

今日忙左成日，

中午去左開保險箱，

攪到成3點半先攪完，

然後去食午餐，

再返家接隻狗去剪髮。

講下個保險箱先，

尋晚上網google 揾到，

即刻reserves ，

今日即刻去攪，

費事放太多貴重野係家。

事關大伯早十日俾人爆格，

錢，手飾預左無曬，

點知名牌手袋同銀行支票簿都無埋！

所以都係咪攪，

放係銀行保險箱穩陣d。

買機票

其實尋日打過一篇，

點知未儲存個blogger 網傻左，

所以唯有打多次。

大約32週返港待產。

早於幾日前買左機票。

今次用Avios 分扣左一大舊錢，

足足平左5百磅左右，

勁開心，

第一次一家三口回港，

陳生只留一週就要回英返工，

應該生個陣會再返港幾日掛，

然後4月底全家回英。

12月開心月，

期待聖誕來臨，

然後新年，

之後返港，

跟住就過農歷年，

之後我生日，

無耐應該就可以生bb 了。

快進入懷孕後期，

希望一切順利，

囡囡健康！

有太陽

一連4日都有太陽，

襯有太陽當然出去同陽光玩遊戲。

我個大仔係d草上打滾，

早上結冰，

有太陽就溶曬，

所以佢就攪到咁。

返家爸爸同佢沖涼。

12月

又到12月，

一年過得太快，

仔仔差不多2歲了。

天氣凍，

懶左好多，

不過見有太陽都會出去走走。

呢2日瞓醒覺，

發現外面花園凍到frost ！

唔知返港前會唔會落雪呢？

聖誕手工製作

又到聖誕，又到聖誕！

仔仔快2歲了，

早幾日見朋友做親子手工，

覺得不難，

可以同仔仔一起做，

所以尋日特別去買手工用品。

今日開工，

仔仔一開始已經好有興趣，

做到尾！

同爸爸油顔色，

又點少得聖誕樹呢！

登登登登，

完成品，

還不錯啦！

It's a girl

登登登登，

等了又等，

終於到左20週產檢，

結構全部正常！

仲知道係囡囡tim。

好野湊成個好字。

希望餘下孕期順順利利，

囡囡健健康康。

9月份更新

Hello 呀，個多月沒update！

小兒快進入21個月大了。

牙齒越來越多！

最愛食提子。

最近開始學識發脾氣！

其實當媽的我內心好內疚。

為何？！

其實呢2個月身體不適，

小左心機陪佢，

有時候佢拖我手向屋企呢度去個度去。

沒精神時，

我會拒絕佢，

時間久了，

被拒絕多了，

佢會大嗌幾聲，

又或者打我手幾下。

唉，

仔呀仔，

你乖啦，

媽媽好快同你生個伴，

你要體諒媽媽身體不適。

我真係無精力日日同你無時無刻不停玩。

情況壞的時候，

真係飯都無心情煮。

剛剛好不容易過3個月了，

但身體不適情況還沒有好轉。

待精神好點，

媽媽多點倍你好嗎？

最後送上兒子暑假期間拍的照片！

最近有點煩

19個月之farewell party

話說舊年去baby group 認識了大一星期的朋友仔。

朋友仔媽咪係香港人，

決定全家迴流香港。

今日佢就幫個仔攪左個farewell party 。

主人家安排得好好。

有messy play 同soft play area 。

陳小朋友第一次玩泥膠，仲有沙。

有一盆大jelly俾 小朋友玩。

不過咪攪我啦，立痴痴。

不停推上斜坡。

仲有勞作。

不過呢個皇冠係人地掉下來，

陳小朋友執起黎玩呢！

18個月的小子

好久沒更新！

其實多10天就19個月了，

想更新一下陳小子的進度。

早一星期花了數分鐘教他Apple and banana，

估不到一教就識。

現在日日都會同佢再翻讀下，

確保不會忘記。

最攪笑的，banana 變了nana，

小孩子好可愛呢！

當然都會教他別的，

不過就無咁容易了，

可能都係學講說話的階段，

反正就要再花多一點時間。

學懂了指東指西，

要我幫他攞東西，

指住門口要出街。

俾小食時候，

知道要非常小心，

因為哥哥會搶食。

拖我手，要我陪他到花園/公園玩。

如果去公園時間太短，

走時當然就不高興了。

聽到飛機聲，

會指向天空向飛機揮手！

最喜歡吹泡泡。

昨天學識並排車仔。

大約一個月前無端端識掉垃圾，

仲有一早學識關門。

在家我通常叫我家小狗做wo wo或者哥哥，

陳小朋友當然知道，

上星期有一天同佢去公園，

見到人家放狗，

佢竟然叫他做哥哥呢！

一週回顧

西超龍蝦減價，

貪得意買左一隻，

結果到今時今日我先要消滅佢，

諗諗下隻龍蝦可能都買左成年了。

其實我無煮過龍蝦，

所以食譜都係黎自網站！

D食材自己減左d，

不過我想講真係無比鮮甜，

一定有下次！

隻龍蝦都幾好肉，

再加左幾隻大蝦，蕃茄，甘荀，炒下，

再加蝦殼，水，茄高，中小火煲一小時。正呀！

今個星期好好天，

星期三陳生放假，

來個即興bbq。

都唔明點解要燒burger ，

食完一個都飽啦，

其他野仲洗鬼食咩，

我唔食burger嫁，

呢個係陳生的。

幅相似唔似一幅畫呢？

呢個花係西超買的，好靚呀。

16個月

小兒不知不覺已經16個月大了，

人仔細細好麻煩，

樣樣事都很有趣，

樣樣事都攪一餐，

已經識行了，

每次出街一定要俾佢落地行/攪一陣，

如果唔係坐太內，

有人唔happy呀！

不過當然非常開心睇住佢慢慢成長，

慢慢教佢不同嘅野，

佢地嘅耐性好短，

所以一樣野要不停重複十幾廿次。

佢而家好痴身，認人呀，

萬一我行開，

即使係屋企，

佢都會ee哦哦表示不滿。

係呀成日扭。

有朋友話過左18個月就會慢慢好點！

希望啦，

唔同年紀，

真係唔同挑戰！

睇學校

又一個月後先寫blog，

生活都係咁上下，

不過近排有睇阿仔啲學校，

遠小小嘅又睇，

近嘅又睇。

其實我仔都係16個月大，

時間尚早，

我打算2歲先俾佢入nursery，

不過而家睇定學校，

了解多d，

再同陳生商量一下，

其實都差不多，

我唔單止留意幼稚園嫁，

小學其實我都有睇。

Well ，俾多d時間自己去了解學校啦。

想小朋友係乜環境長大啦！

我唔想貪近是但送個仔去屋企附近個d，

做多d research ，

希望會揾到間心水學校啦！

近況

個多月沒更新，簡述一下近況吧！

年29開始生病，

最錯沒有看醫生。

年初4一個人去了日本東京，仍然生病！

初6終於會合了友人，

可鬆一口氣了。

初8早機回港，滿腦子都是我的兒子。

返港後兒子不習慣，

新環境新面孔，

幸好最後3星期終於和公公婆婆熟了。

我可以自己一個出去一陣了，

不用帶兒子外出勁爽！

返英前一星期不停外出探朋友，

又過海又bb車，

不想辛苦自己，

而且差不多返英，

結果個個星期坐了一千元的士。

3月1日下午3時飛機回英，

順利的到達。

小兒機上表現非常好。

雖然只睡了5個多小時，

但都沒有哭鬧！

到達英國家後，我第一件做的事是嘔吐！

太累了，計過前後22小時沒睡。

想起舊年小兒7星期大返英又是一樣的狀態！

3月3日好友的姊姊胃癌離世，

終年40歲。

太年輕了，

但願姊姊好好安息！

一路好走！

13.5個月大

返港都2星期了，

陳小朋友的時差都調得7788。

有個小朋友出街真係無咁方便。

有日送小表哥返學，

佢個同學仔錫左陳小朋友一啖，

小妹妹真係得意。

契媽上來食飯同見陳小朋友，

玩玩下，抱抱下就瞓著了，

真幸福！

見得最多當然係表哥表姊啦！

有小朋友一起玩係一件非常幸福的事！