新年快樂

2017年的第一篇文，

祝大家新年快樂！

我過幾天便要回港待產了。

快32週，希望一切順利！

今次我們一家3口一同坐飛機，

陳生留一個星期之後就要返英揾奶粉錢。

4月尾，5月頭就會回英，

開始捨不得這舒適的家了。

當然非常期待回港這一星期，

已經計劃了要去好幾個地方，

迪士尼和海洋公園應該係小朋友必去的吧！

返港前陳生終於安裝好家居防盜了。

當然走前例必都忙，

忙大清潔，

好彩3個洗手間昨天已經洗好。

買野執喼不能小。

要買的都買了，

喼就執左2個。

好吧，回港後再更新！

保安系統

繼上次話大怕屋企俾人打劫，

上星期五叔仔格離又一單，

仲要都好近我，

屋主話事發應該係早上3點到7點，

聖誕禮物無曬，

佢地忘記鎖patio door，

結果賊人有機可乘，

最大獲佢地有隻狗，

隻狗竟然聽唔到囉，

好彩我大仔夠惡又機警姐。

我當然怕怕，

真無諗過瞓覺中都有人入屋偷野，

點安心瞓呀！

結果拿拿臨即買2個dummy ，

想呢2日裝左佢，

不過我老公懶到死囉！

完全唔明佢諗乜，

唔通想俾人打左劫先裝？！

I'm 2

小兒今日2歲生日，

我地簡單渡過，

中午去市中心午餐，

再去玩具反斗城，

之後再去soft play ，

4點鐘去西超就返家了。

祝陳小朋友生日快樂，聽教聽話，

媽媽永遠愛你！

揾笨

星期四好友來英， 

我地全家特登出倫敦見佢，

佢係我仔仔的契媽黎嫁。

先去食日式燒烤，

味道不錯，

而且非常抵食。

埋單時嚇我一跳，4大1細收我150磅，

錯錯錯，

同佢講翻張單5啱，

結果100元正。

所以而家出街食飯一定要睇單，

5係俾人揾笨，

已經5係第一次嫁啦，

之前有次明明話小童餐加1磅有雪糕，

結果收我4磅半，

乜料呀。

食飽飽去winter wonderland side 錢。

保險箱

今日忙左成日，

中午去左開保險箱，

攪到成3點半先攪完，

然後去食午餐，

再返家接隻狗去剪髮。

講下個保險箱先，

尋晚上網google 揾到，

即刻reserves ，

今日即刻去攪，

費事放太多貴重野係家。

事關大伯早十日俾人爆格，

錢，手飾預左無曬，

點知名牌手袋同銀行支票簿都無埋！

所以都係咪攪，

放係銀行保險箱穩陣d。

買機票

其實尋日打過一篇，

點知未儲存個blogger 網傻左，

所以唯有打多次。

大約32週返港待產。

早於幾日前買左機票。

今次用Avios 分扣左一大舊錢，

足足平左5百磅左右，

勁開心，

第一次一家三口回港，

陳生只留一週就要回英返工，

應該生個陣會再返港幾日掛，

然後4月底全家回英。

12月開心月，

期待聖誕來臨，

然後新年，

之後返港，

跟住就過農歷年，

之後我生日，

無耐應該就可以生bb 了。

快進入懷孕後期，

希望一切順利，

囡囡健康！

有太陽

一連4日都有太陽，

襯有太陽當然出去同陽光玩遊戲。

我個大仔係d草上打滾，

早上結冰，

有太陽就溶曬，

所以佢就攪到咁。

返家爸爸同佢沖涼。

12月

又到12月，

一年過得太快，

仔仔差不多2歲了。

天氣凍，

懶左好多，

不過見有太陽都會出去走走。

呢2日瞓醒覺，

發現外面花園凍到frost ！

唔知返港前會唔會落雪呢？

18個月的小子

好久沒更新！

其實多10天就19個月了，

想更新一下陳小子的進度。

早一星期花了數分鐘教他Apple and banana，

估不到一教就識。

現在日日都會同佢再翻讀下，

確保不會忘記。

最攪笑的，banana 變了nana，

小孩子好可愛呢！

當然都會教他別的，

不過就無咁容易了，

可能都係學講說話的階段，

反正就要再花多一點時間。

學懂了指東指西，

要我幫他攞東西，

指住門口要出街。

俾小食時候，

知道要非常小心，

因為哥哥會搶食。

拖我手，要我陪他到花園/公園玩。

如果去公園時間太短，

走時當然就不高興了。

聽到飛機聲，

會指向天空向飛機揮手！

最喜歡吹泡泡。

昨天學識並排車仔。

大約一個月前無端端識掉垃圾，

仲有一早學識關門。

在家我通常叫我家小狗做wo wo或者哥哥，

陳小朋友當然知道，

上星期有一天同佢去公園，

見到人家放狗，

佢竟然叫他做哥哥呢！

一週回顧

西超龍蝦減價，

貪得意買左一隻，

結果到今時今日我先要消滅佢，

諗諗下隻龍蝦可能都買左成年了。

其實我無煮過龍蝦，

所以食譜都係黎自網站！

D食材自己減左d，

不過我想講真係無比鮮甜，

一定有下次！

隻龍蝦都幾好肉，

再加左幾隻大蝦，蕃茄，甘荀，炒下，

再加蝦殼，水，茄高，中小火煲一小時。正呀！

今個星期好好天，

星期三陳生放假，

來個即興bbq。

都唔明點解要燒burger ，

食完一個都飽啦，

其他野仲洗鬼食咩，

我唔食burger嫁，

呢個係陳生的。

幅相似唔似一幅畫呢？

呢個花係西超買的，好靚呀。

近況

個多月沒更新，簡述一下近況吧！

年29開始生病，

最錯沒有看醫生。

年初4一個人去了日本東京，仍然生病！

初6終於會合了友人，

可鬆一口氣了。

初8早機回港，滿腦子都是我的兒子。

返港後兒子不習慣，

新環境新面孔，

幸好最後3星期終於和公公婆婆熟了。

我可以自己一個出去一陣了，

不用帶兒子外出勁爽！

返英前一星期不停外出探朋友，

又過海又bb車，

不想辛苦自己，

而且差不多返英，

結果個個星期坐了一千元的士。

3月1日下午3時飛機回英，

順利的到達。

小兒機上表現非常好。

雖然只睡了5個多小時，

但都沒有哭鬧！

到達英國家後，我第一件做的事是嘔吐！

太累了，計過前後22小時沒睡。

想起舊年小兒7星期大返英又是一樣的狀態！

3月3日好友的姊姊胃癌離世，

終年40歲。

太年輕了，

但願姊姊好好安息！

一路好走！

天氣

特別覺得今年夏天天氣好的日子特別短。

可能係多左個花園關係，

天氣好，

就可以係花園坐坐，

喝一杯茶，

又或者係燒烤。

呢種生活，

係香港點會有？

希望夏天完結前可以邀請朋友來我家bbq吧！

再來bbq

繼早幾天自己一個人燒烤後，

心痕呀！

尋日星期日請了2個朋友來家一起吃，

始終人多都係開心d 。

請朋友來都係要買個正經的烤爐啦，

Argo £29.99 size 都好大呀，

就算多幾個朋友都無問題，

平靚正！

朋友一來到，

拿拿林去「透」爐，

因為我無買炭精呀，

結果花左大半個鐘都起不到爐，

天啊，

結果聰明的我，

去左屋企附近的小店，

買左個早幾日我用過，

超好用的instant bbq爐。

哈，我一用報紙點火燒炭， 

就攪掂，

等d炭燒多一陣，

就可以燒啦，

你話幾好用呢。

曬左我地大半個鐘囉！

下次燒我一定會再買個instant 爐囉。

因乜解夠佢地咁易點(著)d炭呢？

食物好簡單咋，

我只買了tesco bbq pack，

Any 3 for £10，

味道好好喎，

下次燒都可以唔洗自己醃食物啦，

又平又方便。

不過下次要預備多點蔬菜就真！

朋友帶來的水果酒，

大廚出馬。

咁就過左個美好的星期天！

Bbq

多謝鬼佬嘅發明，

另到我自己一條友都可以bbq，

找住夏天的尾巴。

呢種instant bbq 爐真係好好用，

自己一個人，

食唔到咁多， 

所以得雞腿同一包菜咋，

結果一個人食左4隻雞腿，

燒多4隻俾陳生放工返來食。

有下次！

Party time

尋日即興攪party，

請左朋友來grill 同打邊爐！

真係好正，

可惜，

食左一小時左右，

有一堆唔知咩飛飛來到！

就係呢點黑色飛飛，

越來越多， 

多到嚇死人，

我地即刻搬返入屋打邊爐。

咁係咪代表我地成個夏天都不用bbq呢？

幸運星期二

陳生兄弟挖花園時不小心挖多左，

攪到地下d草無左一忽。

呢，就係中間有石頭個到囉！

今日出去garden centre，

打算買翻一幅草，

填翻個忽。

點知，，，，，

無得買，

問過店員，

原來已經不是季節了，

太熱d草會好快死，

放唔到幾多日，

所以佢地無入貨。

Oh my god，

之後再行多3間都無呀，

點算好，

唉，唯有買lawn seed自己種啦，

唔通有得佢多個洞咩！

之後呢，

陳仔仔傍晚喊，

咁好啦，

抱佢出門口行下。

點知俾我見到，

對面個skip有一堆草，

事關交早前，

陳生見到個鄰居今日舖草，

個堆被人當垃圾掉的，

應該就係鄰居多出來的草頭草尾，

啱曬我呀，

個個洞其實不是好大，

所以我地根本不需要大多草，

結果俾我攞曬返家，

慢慢補翻好個d洞。

Looking all good，

等時間內d，

新草舊草就會合併嫁啦，我估！

Garden

花了一個星期，

陳宅的花園終於大功告成！

Well ，其實仲要執一執，

佈置一下啦。

不過現在已經非常滿意，

真的十分感激陳生。

大約2星期前揾花園公司打價，

真的嚇死媽媽，

不包料，人工費含vat 要4500磅。

買埋料起不是要6千？！

真係攞我條命。

結果陳生決定自己做，

我當然舉腳贊成，

為慳錢，辛苦一點也沒辦法啦。

三月初剛舖好草。

之後我就種花。

上星期日開始動工

花了2天，

當中陳生兄弟也有幫忙，

非常感謝！

大約星期二就放石仔。

星期三就開始砌磚了。

買磚時去了ridgeons格價，

但太貴了，我們喜歡的個類，

應該要4千磅，

結果當然返家上網揾啦！

現在買的係granite，

只花了900磅，

Granite不是普通stone呀！

所以我地覺得好抵買。

昨天就大工告成！yeah!

我們第一個花園，

期待第一個夏天和陳仔仔在花園渡過！