紫菜魚蛋河

多謝媽咪俾我嘅紫菜，

令我係英國寒冬都可以食到紫菜魚蛋河。

正！

海運

話說早2個月返左香港，

又去左2次旅行，

韓國大shopping 後，

心知行李根本攞不到返英。

所以係十月底個陣已經pack好大箱，

送去郵局，待寄回英國。

可惜到今日12月30號了，

一d消息都無呀！

點算好呀？

唔通仲係海漂緊？

其實都唔係第一次寄海運，

但通常6星期左右就收到，

好擔心呀，

箱野加加埋埋都成四五千蚊野嫁！

Faulty alarm-Yale

自從安裝了Yale alarm 後，

安心了好多。

但又發現問題，

唉，平安夜個日去買食物，

出門當然要按arm。

但不出十分鐘，

收到鄰居來電，

我們的alarm 响了，

即刻轉車返歸。

開門入屋，

無野吖，

點解會响？

即刻來個測試，

Arm再出門，

係門外等多5分鐘，

果真alarm went off!! 

好奇怪呀！

唔通個sensor 太敏感？

我們已按說明書指示，

已經沒有裝再暖氣附近，

廚房新裝的是blinds not curtains! 

沒理由blinds會因風問題動啦！

仲有是個wooden blinds咁重點動？

點解會咁呢？

Yale security alarm

早排俾人爆格後，

今日終於安左防盗器。

再來多個CCTV 係花園，

問你死未。

對玻璃要去到8號先有人黎整呀。

好彩今年唔係屋企過聖誕節，

如果唔係醜死怪！

Sensationail

早三個星期前，

係boots見到呢set soft gel set 半價，

無記錯好似50磅左右，

返家上網睇下係咩brand，

同查下難唔難整先。

我以前係香港個陣keep住做gel甲做左5年，

可惜係英國揾唔翻香港質素嘅美甲店，

對我黎講簡直唔合格Tim la，

所以最後只好忍痛介掉呢個習慣。

由買機到而家我做左2次，

Ok 喎，好簡單易用，

以後就唔怕指甲油唔'come'了，

因為用左呢set sensationail 後，

可以keep到不甩色，

只係指甲長了，

先要重新再整。

呢一set 係for remove d 色的，

Remove d 色同gel 甲不一樣，

不需要打磨gel 甲面，

所以用呢set 就不怕磨到自己嘅真甲。

睇下d 色，

上色好容易，

而且指甲更不易折斷。

我近排極力推介。大愛！

Merry Xmas

多謝遠在香港的家人又破費，

買左呢個精緻禮物籃送比我同陳生

有魚子醬食呀，

仲有我愛的香檳！

祝各位聖誔快樂！

有賊入屋

尋日5點收到電話有賊入屋，

拿拿林返歸睇下咩料，

嚇到心都跳出來。

好彩只係俾人偷左20磅，

好奇怪。

Mac book ，I pad 個賊竟然無興趣！

警察晚上9點走，

我就即刻打俾保險公司，

由晚上9點半等到零晨4點半先有人暫時維修對門。

個師父話，尋晚有成幾單爆格，

來之前已經去左6單，

所以好好生意。

我地算好彩得20磅損失，

有家人啱啱裝左聖誕樹，

聖誕樹下有份禮物無左，

就連洗衣機都俾人偷埋。

唉，不幸中大幸啦！

不過未來幾日就好唔得閒，

因為警察會返來攞指紋，

當然最最最重要就係安裝security system!

大家記得小心門戶呀！

最重要任務

今次返港除了要探家人外，

最重要的就係要做我好姊妹的伴娘。

想當日，我的好姊妹特別飛到峇里島參加我的婚禮，

今日終於可以睇到佢出嫁了。

婚禮選址在尖沙咀the one，

因為新郎哥要個美麗夜景呀！

大家睇到新郎哥同兄弟門在等開門嗎？

咳咳咳

斷斷續續都咳左成個幾月，

係，未返英前已經咳，

我認定係天氣轉變，

氣管敏感，以至喉嚨不適！

上星期特別去中超買我覺得最難食的川貝枇杷膏，

無辦法，久病不好唯有病向淺中醫。

可惜，一樽差不多食完還不見氣色！

美食2

返左香港仲食過d咩呢？

有一個中午，我落樓買魚蛋粉吃！

但呢間有d喊！

呢個都係下午茶來的，不錯！

又有一朝早，

阿媽買左大家樂炒麵給我！

呢個勁呀，

南記豬腩肉小鍋米線！

我以前好鍾意食嫁，

係香港個陣真係一個星期食一次，

但而家口味有d改變，

都鍾意食，但食一次就滿足了。

嘻嘻，我嘅大愛雞煲，

到目前為止，已經食左3次了，

夠曬皮！

有一日揾舊同事食lunch ! 

我因為唔想又飲茶，

所以去左食西餐！

仲有去食小籠包！

Halloween 個日俾朋友叫左去蘭桂坊食串燒！

來個我最鍾意的梅酒！正！

食物水準一般啦！

但個雪糕好食，

白色個個係芝士雪糕，好好食嫁！

綠色個個係綠茶紅豆都好正嫁！

後來個大廚仲請我食多個，

係薑味雪糕，都好好食嫁！

個味道好似薑汁撞奶嫁！正正正！

首爾之旅，吃吃吃 II

好了，update 埋係韓國仲食左d咩啦！

有一日我地去左新沙個頭行地下商場，

行之前入左一間高級shopping mall ，

個mall 叫咩名就忘記了。 

一去到就入food court睇下有咩好食。

麵包好香好吸引，

我地結果都買左一包。

仲有好靚嘅蛋糕。

睇完一輪，

去food court 醫肚，

叫左韓式大醬麵，

睇戲見人食得多，

但我覺得一般啫！

石頭飯

豆腐泡菜湯，

味道ok 啦，

不過要提提大家，

食完要自己執左d垃圾呀，

因為無人同你執枱嫁！

又有一日我地去左狎鷗亭行街，

個到好似百德新街！

行到累，

去左吃炸雞。

喝啤酒。XD

又試左Paris baguette，

買左2件返酒店吃，

但我地覺得好一般，

無食曬Tim ar。

臨走前一晚，

再行東大門。

去左食姜東虎。

個晚去到零晨1點，

唔洗排隊，正！

炭爐

烤肉好好食哦！

黃色係乜呢？

雞蛋是也！好滑嫁！

食韓燒，點小得飲燒酒。

臨去機場前吃的午餐，

係明洞的。

呢一味雞，我都整過，

我個人認為我整得好食d。XD 

還有，買俾姐夫的香蕉奶，

我飲左一支，

味道不錯！

買左2包，共8支帶比姐夫。

好喇！食左咁多日，

韓國食飯真係好平，

最貴食韓燒4個人大約都係食左800蚊，

但飽到上心口，

即係一個都係2舊水。

4日3夜，我地每人夾左900蚊。

已經包曬食足咁多餐，

搭地鐵，的士，仲有來回車去機場。

咁你話抵唔抵？