聖誕手工製作

又到聖誕，又到聖誕！

仔仔快2歲了，

早幾日見朋友做親子手工，

覺得不難，

可以同仔仔一起做，

所以尋日特別去買手工用品。

今日開工，

仔仔一開始已經好有興趣，

做到尾！

同爸爸油顔色，

又點少得聖誕樹呢！

登登登登，

完成品，

還不錯啦！

19個月之farewell party

話說舊年去baby group 認識了大一星期的朋友仔。

朋友仔媽咪係香港人，

決定全家迴流香港。

今日佢就幫個仔攪左個farewell party 。

主人家安排得好好。

有messy play 同soft play area 。

陳小朋友第一次玩泥膠，仲有沙。

有一盆大jelly俾 小朋友玩。

不過咪攪我啦，立痴痴。

不停推上斜坡。

仲有勞作。

不過呢個皇冠係人地掉下來，

陳小朋友執起黎玩呢！

16個月

小兒不知不覺已經16個月大了，

人仔細細好麻煩，

樣樣事都很有趣，

樣樣事都攪一餐，

已經識行了，

每次出街一定要俾佢落地行/攪一陣，

如果唔係坐太內，

有人唔happy呀！

不過當然非常開心睇住佢慢慢成長，

慢慢教佢不同嘅野，

佢地嘅耐性好短，

所以一樣野要不停重複十幾廿次。

佢而家好痴身，認人呀，

萬一我行開，

即使係屋企，

佢都會ee哦哦表示不滿。

係呀成日扭。

有朋友話過左18個月就會慢慢好點！

希望啦，

唔同年紀，

真係唔同挑戰！

睇學校

又一個月後先寫blog，

生活都係咁上下，

不過近排有睇阿仔啲學校，

遠小小嘅又睇，

近嘅又睇。

其實我仔都係16個月大，

時間尚早，

我打算2歲先俾佢入nursery，

不過而家睇定學校，

了解多d，

再同陳生商量一下，

其實都差不多，

我唔單止留意幼稚園嫁，

小學其實我都有睇。

Well ，俾多d時間自己去了解學校啦。

想小朋友係乜環境長大啦！

我唔想貪近是但送個仔去屋企附近個d，

做多d research ，

希望會揾到間心水學校啦！

Happy 1st birthday

15/12/2015

我最愛的兒子1歲生日呀！

時間真係過得好快，

媽媽會好掛念你bb個陣嫁，

時間可唔可以唔好過得太快呢？！

回想當年等了差不多3年先懷孕，

轉眼之間小兒已經1歲了，

呢幾年發生的事，變化真係好大呢。

生日當天去了winter wonderland，

非常失望，

其實同我市的fun fair差不多，

而且天氣其差，

佢最開心的，

就係玩這個soft play，

陳小朋友年紀太小，

不懂欣賞機動遊戲，

因為不停下大雨，

所以停留不到1小時就走了。

生日第二天，

經朋友介紹揾到一家我覺得好平的影樓，

90分鐘£90，包8張相另加cd連所有相。

在英國，我覺得真係平到爛。

大約係小兒6個月大左右，

在groupon買了好像£30包一張相的，

時間有點遠，也不太記得是否£30 or £20，

反正最後花了£300，

但得8張相。

所以今次這個真的好平呀！

最後，祝陳小朋友做個開心快活人，健康成長，聽教聽話！爸爸媽媽永遠愛你！

10個半月大

原來已經有一個多月無update.

其實生活都係咁上下，

無乜太大分別！

唯一不同的，

就係我家陳小朋友已經十個半月大。

小朋友又學識到不同嘅野，

睇見隻豬仔成長，

每日都有點不同，

真係希望佢唔好大得咁快，

媽媽會好掛念你小baby的樣呢！！

四處爬已經係指定動作。

近排愛看書，

希望你慢慢大都真係愛閱讀啦。

同陳仔仔相處得不錯，

陳仔仔大個仔了，

好似都改了不少壞習慣，

唯獨一定要跟陳生瞓覺。

十個月大時開始愛係廚房攪攪震，

我家係開放式廚房呀，

所以佢每天一定會去幾次。

特別係我要煮飯個陣，

必定來（陪）我。

而且開始進入媽媽行開一陣必喊的階段，

又唔係必嘅，

十次有7次左右啦！

9個月

小兒差幾日就9個月大了，

肥豬仔每日都進步一點點，

有沒有辦法可以把時間留下來呢？

尋晚明明好眼瞓，

抱左佢上床瞓覺個陣，

佢又自己坐翻係到，

而家次次瞓親覺都係咁， 

一定要坐一輪先瞓，

瞓醒又自己坐翻向到。

今日天氣好呀，

同佢去公園玩，

放佢係地下爬，

爬爬下去左自己架車企向到，

可能佢好快就可以行了。

哥哥返家了。

係呀，每次我返親香港， 

陳生都會帶陳仔去我老爺奶奶家渡假，

今次一渡就渡左差不多一年了，

小兒又已經大了， 

我家而家又有花園，

真係諗不到理由點解仲唔接佢返家呢！

好了終於一家4口團聚了！

8個月大

之前聽說

7坐，8爬，9發牙。

好似幾準呀，

陳仔仔7個月識坐，

啱啱8個月就學識爬，

我就睇下，下個月係咪真係出牙先。

7個月了。

陳仔仔今日7個月大了。

而家識自己坐，

不停轉身！

粥仔食得越來越好呢！

暫時好喜歡食雞肉！

希望佢快點可以識啜飲管！

6個月的寶寶

我家的大少爺差不多6個月大了，

睇住佢慢慢長大，

慢慢進步真係好開心呢！

上星期發現佢身體生左好多紅色一點點，

而家都好得7788了，

我估計係我開俾佢食的米糊太熱氣了。

初為人母的我，

開始俾小兒試食米糊，

見佢又肯食， 

未日日食小小囉，

點知到第四日就生紅點了。

立刻停食，

都係改食自家制的粥仔啦！

暫時食過的有，

蕃薯粥，carrot粥，西蘭花粥，青瓜粥。

第一次有花園，

嫲嫲買左個秋千俾佢，

佢玩得好開心呢。

有時候都會自己一個玩的，

不過大約半個鐘9個字就會瓜瓜叫。

尋日開始已經不停轉身呢！

5 個月大的寶寶

小兒已經5個月大了，

時間飛逝，

星期二當天第一次同佢去就近的baby group，

我不是要當虎媽呀，

而係佢慢慢長大，

需要陪伴的時間越來越長，

家裏的玩具早就已經不可以再滿足他了。

因此我係今個星期開始，

每星期二都會和他去baby group ，

唱下歌仔，

玩下玩具，

同和其他寶寶相處啦！

費用1磅銀，

不過我可以享用tea or coffee，

仲有餅乾嫁！

買車

好難選擇呀？

2架性能差不多，

但價錢差不少？！

Bugaboo bee 成8.3kg，

Icandy 係英國公司！

呢架raspberry 就得6kg，

比起bugaboo bee就輕2.3kg ！

太多選擇了，

頭痕中！

4個月大了

時間過得真快，

阿仔已經4個月大了。

佢條頸開始硬了，

而且蠢蠢欲動想坐起來。

多謝陳生阿嫂同細佬老婆，

佢地俾左不少佢地已經用不到的小朋友物資我，

我同陳生又慳不少！

Tummy time !

坐起來！

話說我老爺個妹同我老爺講話，

Bb 4個月唔食糊仔，

到6個月就唔肯食，

所以佢講左好幾次叫我俾阿仔食糊仔，

雖然我見市面上有些糊仔真係4個月就食得， 

但health visitor同我講就話要6個月先食得。

我又問過阿嫂同細佬老婆，

佢地都成6個月先開始餵糊仔。

我家姐都成5個月先開始餵AA，

咁即係點呢？

有無人可以分享下？