Baby shopping

本身早幾日已經打好左一太半，

點知唔見左，

唯有今日由頭再寫一次！

早2天同陳生去睇地板，

為新屋做好準備呀！

呢塊就係我地睇好左考慮中的其中一款！

仔仔好似好鐘意咁！

睇完之後，就去左格離玩具反斗城！

左睇右睇，

睇中我之前上網做好資料，

好有興趣嘅car seat ! 

今日見到實物，

真係愛不惜手！

陳生玩得好高興呀，

佢覺得係car seat transformer！

只要你按一按個制！

就可以變變變，

變成pushchair！

係咪好勁呢？

詳情去片:

http://youtu.be/JQPf9nWzA0k

英國售價£299，

不包car seat base。

貴就貴少少，

不過一般市面係car seat 還car seat,

Pushchair還pushchair，

即係要買2部呀！

所以一般2部買曬都要成3到5百磅不等，

問題係通常d pushchair都好重，

到bb大到咁上下，

通常好多媽媽都會買架輕身d嘅車仔。

我見我家阿大伯同叔仔各人都有成3架bb車嫁，

有見及此，

我就選擇左呢部2合1，

到bb 大d就買多架輕身嘅，

2架點都化算過3架車啦！

反正car seat就一定要買嫁啦，

不如買架好d嫁啦！

既然我同陳生都咁滿意，

咁就一於帶佢返家啦！

買完都3點了，

拿拿林去食午餐，

因為我地仲未食嘢呀！

呢個頭盆，

Spicy tomato soup，

好辣，

辣到飲唔落，

可惜！

陳生嘅頭盆，又係呢隻蛋！

條魚好好食呀，

唔會炸到乾曬！

陳生主菜，

佢話好正喎！

快快趣食個lunch就返家了，

因為陳生要去返工呀！

Sunday Shopping

今日天氣時而下雨時而有太陽，

一早出發到老爺奶奶家吃午餐，

因為今日係太奶奶死忌，

要返家裝香！

午飯過後，

大嫂要同2個嘩鬼返教會，

大哥身痕，

約我老公同叔仔去睇戲！

睇戲我就唔啱了，

相反我就提議同奶奶去baby shopping! 

一去到商場已經下午3點15分，

還有2個小時左右關門，

唉！要是在香港你說有多好呢！

男嬰可選購嘅衣物真係好少呀。

不過我們收穫都不錯。

5點到了，陳氏三兄弟仲未睇完戲。

我同奶奶就去食下午茶等下啦，

反正從未同奶奶撐枱腳！

食完件餅，飲完杯茶，

同奶奶傾下講下。

時間啱啱好，

陳氏三兄弟睇完戲，

一起返家！

好可愛呀！

我懷孕了

嘻嘻，等今日等了好久！

早在2個月前，已經想記下呢件喜事！

是的我懷孕了。

點解等到今日先記錄下來？

因為懷孕變化實在太大，

雖然能懷上是十分高興，

但要過的關實在太多了，

萬一中途有咩樹，

唉！

我沒有勇氣面對朋友一連串的問題/關心。

不竟總有人係關心，亦有人是八卦的吧！

傷心，失望的是自己，

有誰能體會呢？

幸好今日已經去到第20週，

到了懷孕中期了，

還做了結構檢查！

Luckily 所有檢查都合格！

這張就是12週時檢查唐氏的照片！

同今日所見到的，我{兒子}真的大了好多呀！

是的，我懷的是一個小男生！

爺爺奶奶，公公婆婆一定好開心，

不竟他們都係上一代，古老思想！

不過我同陳生都好開心！

雖然我地一早諗好女仔名，

Isabella 希望媽媽下次有機會與你再聚！

見到bb 不停動，

真的好開心！

我scan 了2次，2次都流了小小眼淚呢！

我的預產期係平安夜，

餘下的還有5個月就可以同仔仔見面了！

我的寶貝，

你要乖乖哦，

媽媽會多吃有營養的，

你一定要平安健康，

唔好嚇媽媽呀！

期待12月與你相聚！

今天20週1天！

Fun fair

難得星期天陳生有時間，

一早約左友人食lunch , 

食飽後行去一年一度fun fair !!

出奇地冷清。

如果要玩機動遊戲，

應該3個字就就排到！

陳生話應該越夜越多人喎。

嘩，好長的滑梯！

小朋友開心死！

仲有幸福摩天輪！

有人話要玩射箭喎！

好貴，5磅7支箭。

哈哈，竟然16歲贏了35歲！

獎品送左俾陳仔。

其實放假都不一定要去邊，

簡簡單單同愛嘅人一起就好！

來說是非者，便是是非人！

發生左一件事，詳情就唔講了。

我只想說，

好多時候你未必一定會聽到一d啱聽的說話！

有時候冷靜點過濾一下人地講呢翻說話的動機！

客觀一點去睇件事！

有時候一隻手是拍不響的，

來說是非者，便是是非人。

呢句說話有佢的道理！

大家清醒一點，

不要因為個幾句搬弄是非的說話就不開心！

還信以為真！

諗下會否其實說是非者都有問題，都有責任呢！

真的，好多時候，一隻手真的拍不響嫁！

有些人，以為自己好醒，

其實就係豬頭丙！

以為咁樣就可攞到大家歡心，

咁樣的友誼你覺得會長久嗎？

不過我信，聰明的人們， 

遲早會睇到真相，

發現問題！

祝大家千萬不要俾豬頭丙欺騙到自己！

狗狗移民

我打算申請我香港家的狗來英國定居。

原因狗狗被迫遷呀！

香港養隻狗都特別麻煩！

就算你係住私樓，

都唔一定可以養狗！

唉！

有無人試過有相關經驗可分享呀？

結婚週年

6月3日，係我們結婚3週年日子！

今年去了felixstone，

可惜天氣陰陰的！

陳生7個月以來第二次放假。

如果計埋聖誕同boxing day，

都放左4日嘅！

唉，揾食真的不容易！

我好感恩有個好錫我的老公。

不停做，不停做，

就係為了我們的將來！

去年某一天我們都有來這裡，

我還記得當天天氣超好的。

本來想去去年有幫襯的食店，

可惜沒有開門。

我地就改到別的小食店，

熱烘烘的mix toasties ，

非常好食！

熱可可都好好飲。

仔仔叫都不彩我，

因為佢最愛爸爸！

差不多走的時候，

竟然太陽出來了！

行左3小時，

就返家小休！

車程都要一個小時嫁！

8時去我們從未吃過的越南店吃越式粉麵。

不過可惜都係倫敦的好吃好多。

呢碗比倫敦份量小一半，

價錢貴£1.1。

Um，可能無下次了。

希望未來的日子，

我們都可以簡簡單單，

健健康康的過每一天，

過每一日節目！

I love u Hun!!😘😘

後花園

我家奶奶花園，

開左呢個牡丹花！

我黎左5年，

今年先第一年發現！

真係開得好大好靚嫁！

仲有株呢個唔知咩花？

將來我家花園都會種好多花花！

不過種植好似有d難度！

狗隻訓練

上星期一，

進行了一堂2小時狗隻訓練。

Trainer 話，

犬隻如果成日興奮狀態，吠，憂慮，

通常都係運動不夠做成！

唉，

我認我懶，

通常行15分鐘左右就返家。

聽從另一位group友意見，

好吧！

今日天氣好好！

同你去內d，跑內d啦！

不過阿仔可能不習慣，

行多過跑。

今日off lead左15分鐘左右，

全程大約行了45分鐘！

邁步成功的第一步！

外國人定香港人？

幾年無聯絡嘅朋友突然係面書上揾我傾計！

第一佢係住係美國紐約的。

第二其實我同佢並唔係好熟。

傾下講下本身係好事，

但講下講下就講到香港！

佢話(算吧啦香港無嫁啦，我而家都覺得自己係美國人)

我答(你點會係美國人呢？你又唔係金頭髮，藍眼睛?)

講到呢到，

我唔怪佢咁諗嘅，

只因佢移民美國都十幾二十年。

住內左，香港又無家人朋友，

對香港無歸屬感變得好自然！

但我條氣唔順囉！

算吧啦，香港無嫁喇？！

借問聲你憑咩咁講？

咁講即係咩意思？

你嘅意思，香港有一日會係地球消失？

係，的而且確香港同97前真係好大分別！

其實我都唔係好知有幾大分別，

只因97個時我只係個十幾歲的初中生，

自問個陣真係無關心國事。

到而家大左，出來工作，

就知道香港生活壓力其實好大。

但又有邊個生活無壓力呢？

佢仲一再重複算吧啦，香港無嫁啦！

你一再強調此翻說話，

只因你係香港無朋友無家人，

所以香港係生係死你無興趣！

但我呢d仲有一班家人朋友嘅人咁點？

佢地將來係你眼中，是否只有等死？

我住英國5年，

日子可能不算長吧！

但我仍然期待每次返港見我的家人，朋友！

吃我喜歡的食物！

我住係英國只係緣份選擇左呢個國家，

並不代表我呢一世都不是香港人。

因為我無論係呢到住幾多十年，

英文有幾鬼佬。

我講的都只係香港音英文。

我的頭髮仍然是黑色的！

因此你呢位住係美國廿幾年自稱覺得自己係美國人，但講的仍是香港音英文的香港人，想想廿幾年前，你還在香港讀緊香港免費教育的時候吧！

最後，

是的，香港真的變左好多。

不過我信香港係可以進步的！

我愛香港！

我愛我的家人！

我愛我的朋友！