我今日Halloween ，
出去攪左一日，
好忙呀！
首先去左同姪仔扮靚，
因為佢學校有Halloween party，
畫左個Spider-Man 面！
佢都不執輸要同我個仔扮靚！
係家姐協助下，
2歲算係咁啦！
Hello baby!!
之後去左同朋友食下午茶！
從未有如此一見如故過，
簡直相逢恨晚呢！
Pokka cafe的下午茶，
環境舒適，
又可以慢慢坐，慢慢傾！
100蚊左右一位，
好抵食喎！
有下次！
多謝美國朋友的禮物，
Baby 巧幸福哦！
呀，仲有一件開心事分享，
我們今日攞到新家的所匙了！
期待bb和我們住進新的家！
收到喇，收到喇，
今日收到係香港訂購的asos，
點解响香港都買？
因為本應打算返香港買衫for 影大肚相，
你知啦，
影一次就十成9都唔會著翻，
咁我就去神奇的淘寶買啦，
一百蚊左右人民幣，
影完唔再著都唔肉尺，
點知一買就出事，
好明顯完全貨不對辦！
點著住黎影呀？
唉，我完全過唔到自己個關，
所以又開始4圍睇邊到有我合心水的，
本來係香港睇中一條大肚裙，
但太貴了，
成千幾蚊港幣，
著一次影相就無謂買啦！
睇下睇下又去左asos，
老實講相比起淘寶都真係唔平，
5百幾6百蚊港幣，
但我唔想再揾衫了，
又怕唔知要多幾多時間，
結果買就買啦！
十月一号訂，
16號就收到了，
仲免運費！
算好快啦！
起碼我又攪掂一件事！
希望下星期影相順利！
今日要去飲糖水，
睇下有無妊娠糖尿！
姑娘叫我10點去到中環診所，
因為佔中事件，
唉，本來最多預45分鐘路程，
今日因為怕失車，
所以特別聽收音機睇下路面情況，
龍尾去到炮台山，
睇怕都要去搭地下鐵，
結果都要一個鐘十五分鐘先到！
Bb好正常，
而家有3磅重，
醫生話bb好足磅，啱啱好，
無太重，無太輕！
有無見到佢隻手仔放左向頭上面呢？
醫生話呢個係慈古錠！
睇完醫生就約左家姐食午餐，
我地去左尖沙咀海港城。
肥死啦，下午已經食龍蝦意粉，
不過炒得好香，好好味，
仲有最重要係熱辣辣的。
頭盆就無乜特別，
沙律吧囉！
食飽飽去行街買衫。
之後就搭船過灣仔，
家姐就慘lu，
佔中事件，
本來由灣仔碼頭返北角家最多未半個鐘，
結果佢用左2小時先返到家囉！
我地係灣仔碼頭個陣先5點咋麻，
大部分人應該都未放工啦！
下次都係搭地鐵好d，
睇黎佔中事件大贏家應該都係港鐵公司！
