時間過得真快，
阿仔已經4個月大了。
佢條頸開始硬了，
而且蠢蠢欲動想坐起來。
多謝陳生阿嫂同細佬老婆，
佢地俾左不少佢地已經用不到的小朋友物資我，
我同陳生又慳不少！
Tummy time !
坐起來！
話說我老爺個妹同我老爺講話，
Bb 4個月唔食糊仔，
到6個月就唔肯食，
所以佢講左好幾次叫我俾阿仔食糊仔，
雖然我見市面上有些糊仔真係4個月就食得，
但health visitor同我講就話要6個月先食得。
我又問過阿嫂同細佬老婆，
佢地都成6個月先開始餵糊仔。
我家姐都成5個月先開始餵AA，
咁即係點呢？
有無人可以分享下？
FB 有個英國媽媽會，我估可以幫到你。
回覆刪除此留言已被作者移除。
回覆刪除陳大小姐我個留言太長所以一直都不能顯示, 我嘗試分段留言希望妳會收到.
回覆刪除嘩!!! 時間過得真係快原來陳小B已經四個月大喇! 感覺好似上個禮拜巡Blog先至見妳啱啱公佈做左媽媽冇耐>_<
回覆刪除妳唔介意嘅話就等亞太我同妳分享一下喇! 我有三個小朋友最細呢個家陣二歲半, 除左大女因為under weight所以係四個半月大, 經Health Visitor建議開始加添糊仔同BB Yoghurt之外, 二女同細仔都係係6個月大先開始嘗試食糊仔, 點解要等6個月呢??? 我呢邊D Health Visitor解釋係, 首先係個BB已經可以坐好係High Chair, 而且腸胃適應力已經長大到可以接受新食物, 當然一開始嘗試係以好小份量而且逐日增加, 每開始嘗試一種食物最好以三日為一個期, 因為妳可以清楚知道BB有冇對食物過敏同喜愛程度.
多謝分享，我同我老公都係咁諗！
刪除最初嘗試嘅食物當然係糊仔喇! 不過如果妳係餵人奶嘅話, 就麻煩一D因為妳需要揼奶開糊仔, 而且要嘗試好多日BB先會開始食, 呢個係我個人嘅經驗我個二女同細仔係食人奶, 佢兩個比較抗拒嘗試新食物, 大女食人奶到兩個大佢就唔肯食轉左食奶粉, 加上四個半月大就開始嘗試食糊仔同Yoghurt, 相比起二女同細仔大女個感覺好似容易接受糊仔.
回覆刪除其實我個人認為無論係四個月定係6個月先開始食糊仔, BB都需要一段時間去適應, 以我三個小朋友為例, 所以妳唔需要太煩惱呢個問題, 不過既然Health Visitor同妳講6個月先開始, 咁妳咪聽佢哋嘅意見囉反正都係等多兩個月.
至於老人家都係出自一番心意, 如果妳唔係同老爺一齊住嘅話, 妳可以同老爺講 : 好呀! 咁我試下畀D糊仔亞仔食, 妳有冇畀亞仔食老爺唔會去妳屋企監督>_<
回覆刪除如果係一齊住嘅話唯有慢慢解釋畀佢老人家知道, 因為Health Visitor佢哋嘅建議BB係6個月先開始食糊係最理想嘅時間, 講真我都會相信Health Visitor嘅經驗, 老實講佢哋每日都探訪唔同嘅BB, 好似我呢邊D Health Visitor每隔一段時間佢哋內部都會去探討有關照顧BB起居飲食等問題, 一有新嘅update又會將貼係Health Center, 所以佢哋嘅經驗肯定比我同妳多.
我唔係同佢一切住，不過佢話自己去買俾我仔，但已經俾我老公拒絕左了！😏
刪除如果妳唔介意嘅話可以畀個e貓我, 我以前自己做左份BB食譜筆記, 比D時間我搵番出嚟就可以send畀妳.
回覆刪除此留言已被作者移除。
刪除你抄低左話我知，我delete 左個 email 去！
刪除