Asos

收到喇，收到喇，

今日收到係香港訂購的asos，

點解响香港都買？

因為本應打算返香港買衫for 影大肚相，

你知啦，

影一次就十成9都唔會著翻，

咁我就去神奇的淘寶買啦，

一百蚊左右人民幣，

影完唔再著都唔肉尺，

點知一買就出事，

好明顯完全貨不對辦！

點著住黎影呀？

唉，我完全過唔到自己個關，

所以又開始4圍睇邊到有我合心水的，

本來係香港睇中一條大肚裙，

但太貴了，

成千幾蚊港幣，

著一次影相就無謂買啦！

睇下睇下又去左asos，

老實講相比起淘寶都真係唔平，

5百幾6百蚊港幣，

但我唔想再揾衫了，

又怕唔知要多幾多時間，

結果買就買啦！

十月一号訂，

16號就收到了，

仲免運費！

算好快啦！

起碼我又攪掂一件事！

希望下星期影相順利！