第一佢係住係美國紐約的。
第二其實我同佢並唔係好熟。
傾下講下本身係好事，
但講下講下就講到香港！
佢話(算吧啦香港無嫁啦，我而家都覺得自己係美國人)
我答(你點會係美國人呢？你又唔係金頭髮，藍眼睛?)
講到呢到，
我唔怪佢咁諗嘅，
只因佢移民美國都十幾二十年。
住內左，香港又無家人朋友，
對香港無歸屬感變得好自然！
但我條氣唔順囉！
算吧啦，香港無嫁喇？！
借問聲你憑咩咁講？
咁講即係咩意思？
你嘅意思，香港有一日會係地球消失？
係，的而且確香港同97前真係好大分別！
其實我都唔係好知有幾大分別，
只因97個時我只係個十幾歲的初中生，
自問個陣真係無關心國事。
到而家大左，出來工作，
就知道香港生活壓力其實好大。
但又有邊個生活無壓力呢？
佢仲一再重複算吧啦，香港無嫁啦！
你一再強調此翻說話，
只因你係香港無朋友無家人，
所以香港係生係死你無興趣！
但我呢d仲有一班家人朋友嘅人咁點？
佢地將來係你眼中，是否只有等死？
我住英國5年，
日子可能不算長吧！
但我仍然期待每次返港見我的家人，朋友！
吃我喜歡的食物！
我住係英國只係緣份選擇左呢個國家，
並不代表我呢一世都不是香港人。
因為我無論係呢到住幾多十年，
英文有幾鬼佬。
我講的都只係香港音英文。
我的頭髮仍然是黑色的！
因此你呢位住係美國廿幾年自稱覺得自己係美國人，但講的仍是香港音英文的香港人，想想廿幾年前，你還在香港讀緊香港免費教育的時候吧！
最後，
是的，香港真的變左好多。
不過我信香港係可以進步的！
我愛香港！
我愛我的家人！
我愛我的朋友！
其實香港現今情況,真的令人心痛,就算種種原因而不再在香港生活,香港還是我的根我的心.明白很多事也做不到,但只願香港有心人撐一去.
回覆刪除至於,你朋友自認美國人,我想她只能說美藉中國人/美藉華人,沒有美國人會真的當她是的.
佢識d咩吖，我又唔信佢好關心香港政治，社會事！知小小就係到扮代表！因為我覺得不可否認係英國接收到香港新聞，始終都不夠係香港多！所以住美國都應該一樣！
刪除我住左英國廿幾年，但我會覺得自己係香港人而自豪。我只會認為現在香港生活比以前艱難辛苦，可能香港人自己覺得這樣的生活是OK架。我唔會講風涼話，因為生活得好唔好係當時人自己才最清楚。我這幾年反而返香港多左添。
回覆刪除同意！香港現在生活一d都不容易！我可能比較敏感啦！個句香港無嫁啦，我完全聽不入耳。你知啦，香港就算幾唔好都不是人人有能力移民，如果無能力走，咁唔通係到等死？而且如果你係一個地方生活，好或不好,你都要生存嫁啦！香港地揾到食，有屋住，家庭快樂大有人在啦！
刪除講真，又揾到，又無煩惱，又兒孫滿堂，又健康平安，就住邊到都好！
刪除有d人好proud of 自己移民外國，特別係講英文o既地方，覺得好superior，我完全唔覺有幾superior。廣東話有幾難學，係因為我地o既母語係廣東話，我地唔會覺得難。其實廣東話真係好啜核，我諗冇邊種語言o既slang比得上廣東話o個種幽默，而正正係因為呢種幽默，更加令我能身為香港而感到自豪。「香港冇o架喇！」呢句係我阿爸講得最多，成日叫我唔好諗住回流，我聽到其實好心up。生於斯，長於斯，以前冇諗過有朝一日會離開呢個地方。到而家走o左，我先真正知道咩叫做「根」，邊度先係「家」。即使我地真係講得一口流利英文，又如何？！點都係二等公民o者，有咩咁值得巴閉呢？你比我再揀，我真係寧願留番o係香港。
回覆刪除*更加令我以身為香港人而感到自豪。
回覆刪除