吹脹

大家姐較早前係英國網站買左d野，

托我收到後轉寄返港，

一家人當然無托手踭。

我一向都有佢家地址，

不過係中文的，

所以臨寄前叫左佢俾個英文地址我，

我一睇都覺得奇怪，

我電話薄入面的係3a，

不過佢俾我的係3b。

我都無問佢，

因為心諗可能係我入錯資料。

星期二個日已經有人來取件。

咁啱取件前收到我家姐寄來的過年賀卡，

見到個回郵地址同佢俾我個個係不同，

心諗再問多次check清楚啦。

佢再一次確認係b，

唔係a，ok that's fine，

個到係你屋企，

我都無謂堅持。

點知今日收到courier 公司嘅email。

香港派件公司話地址錯喎。

咁我又再問多一次大家姐，

夠竟係a定b。

佢仍然好堅定咁話係b，

唉，

我唯有問大姐夫，

大姐夫就話係a，

我心諗你兩個係咪一齊住嫁？！

大姐夫後來影左一張相俾我，

係有佢名加地址嘅証明信件，

我大家姐個時先知自己攪錯。

吹脹。